ناگپور: راشٹریہ سویم سیوک سنگھ (آر ایس ایس) کے سربراہ موہن بھاگوت نے منگل کو ایک خطاب میں کہا کہ دنیا کے اچھے ممالک کے پاس بہت سے خیالات ہوتے ہیں۔ انہوں نے کہا کہ ایک نظریہ یا ایک شخص کسی ملک کا کچھ نہیں بگاڑ سکتا۔ موہن بھاگوت نے ناگپور میں ایک پروگرام کے دوران کہا کہ ایک شخص، ایک نظریہ، ایک گروہ یا ایک خیال کسی ملک کو بنا یا بگاڑ نہیں سکتا۔ اسی کے ساتھ انہوں نے کہا کہ دنیا کے 'اچھے ممالک' کے پاس بہت سے خیالات ہوتے ہیں۔ برے ممالک میں بھی اچھے لیڈر ہوتے ہیں لیکن یہ اس بات پر منحصر ہے کہ ان کا معاشرہ کیسا ہے۔
مزید پڑھیں: Mohan Bhagwat Comments on Muslims مسلمانوں کو احساس برتری کو ترک کرنا ہوگا، بھاگوت
موہن بھاگوت ناگپور میں راج رتن ایوارڈ کمیٹی کی طرف سے منعقدہ تقریب سے خطاب کر رہے تھے۔ اس دوران موہن بھاگوت نے کہا کہ 'ایک شخص، ایک خیال، ایک گروہ، ایک نظریہ ملک کو نہیں بنا یا بگاڑ نہیں سکتا۔' انہوں نے کہا، 'دنیا کے اچھے ملکوں کے پاس ہر طرح کے خیالات ہوتے ہیں۔ ان کے پاس بھی سبھی طرح کے انتظامات ہوتے ہیں اور وہ انہی انتظامات کے ساتھ آگے بڑھ رہے ہیں۔ بھاگوت نے کہا کہ شیواجی سے متعلق بات کرتے ہوئے کہا کہ انہوں نے 'سوراجیہ' قائم کیا اور ان کے دور میں جنوبی ہندوستان کو مظالم سے آزاد کیا گیا۔ اس کے ساتھ ہی مشرقی اور شمالی بھارت ناگپور کے بھونسلے خاندان کی حکومت میں مظالم سے آزاد ہوئے۔
