ممبئی: رکن اسمبلی رئیس شیخ نے کہا کہ ممبئی کے اسکول کو بھگواکرن کی کوشش اس سے پہلے بھی کے گئی ہے اور یہی کوشش پھر سے کی جا رہی ہے۔ معصوم بچوں کی پشت پناہی میں ہے ایک خطرناک کھیل کھیلا جارہا ہے.ایک مخصوص مذہب کو اس طرح سے نشانہ بنایا جا رہا ہے۔
رکن اسمبلی رئیس شیخ نے کہا کہ ہم کئی برسوں تک کارپوریٹر رہے۔ ہم نے یہی دیکھا ہے کی تعلیم کے معاملہ میں کوئی دخل نہیں دینا چاہیے۔منگل پربھات لودھا وزیر ہیں۔ اس لیے وہ اگر اس طرح سے کوئی حکم جاری کرتے ہیں تو اسکے لیے سرکاری طریقہ کار اپنایا جائے۔ اس کے لیے ایک جی آر نکالا جائے۔
رئیس شیخ نے کہا کہ یہ زور ذبردستی کی سیاست ہے اسکے لیے ہم اسمبلی میں آواز بلند کرینگے کیونکہ موجودہ حکومت اور اُنکے وزراء اسی طرح سے دخل اندازی کرتے ہیں۔
یہ بھی پڑھیں:مولانا عمرین محفوظ رحمانی کے ہاتھوں ایجوکیشن ایکسپو و کل ہند اردو کتاب میلہ کا افتتاح
گورطلب ہے کہ 24 جنوری کو ایودھیا میں رام مندر کا افتتاح ہے ملک اور بیرون ممالک سے لوگ ایودھیا پہنچ رہے ہیں۔ ممبئی سے پانچ مسلمانوں کو افتتاحی تقریبات میں مدعو کیا گیا ہے جبکہ ملک بھر سے تین ہزار سے زائد لوگوں کو بلایا گیا ہے جس میں تاجر,صنعت کار,فلمی دنیا سے وابستہ افراد شامل ہیں۔
