ادھو ٹھاکرے نے ایک ورچول کانفرنس میں کہا کہ ریاست میں کورونا وائرس پازیٹیو کیسز میں ایک بار پھر سے اضافے کی وجہ سے لاک ڈاؤن لگایا جا سکتا ہے۔
انہوں نے عوام سے گزارش کی ہے کہ ہر شخص کورونا گائیڈ لائن پر سختی سے عمل کرے اور ماسک لازمی استعمال کرے۔
ادھو ٹھاکرے نے کہا کہ ایک ہفتے تک صورتحال کا جائزہ لینے کے بعد ہی لاک ڈاؤن سے متعلق کوئی قدم اٹھایا جائے گا جبکہ ریاست میں سبھی سرکاری، مذہبی، سیاسی اور سماجی پروگراموں پر پابندی عائد کردی گئی ہے۔
وزیراعلیٰ نے بتایا کہ گزشتہ 24 گھنٹوں میں ریاست میں 7 ہزار کورونا پازیٹیو کیسز پائے گئے ہیں۔
انہوں نے کہا کہ ہم سبھی کو کورونا سے لڑنے کی ذمہ داری لینی ہوگی یہ کسی ایک کا کام نہیں ہے اس کے لیے ہم ایک نئی مہم کی شروعات کررہے ہیں جس کا نام ہے 'میں ذمہ دار ہوں'۔
اس کے علاوہ وزیراعلیٰ ادھو ٹھاکرے نے کہا کہ حکومت کی تمام میٹینگیں آن لائن ہوں گی، انہوں نے تمام دفاتر سے اپیل کی ہے کہ وہ ورک فرام ہوم کا سلسلہ دوبارہ شروع کریں۔
