شیوسینا لیڈر سنجے راوت جمعہ کو منی لانڈرنگ کیس کے سلسلے میں انفورسمنٹ ڈائریکٹوریٹ ED کے دفتر میں حاضر ہوئے۔ جہاں ای ڈی کے افسران نے ان سے پوچھ تگچھ کی۔ راوت صبح ساڑھے گیارہ بجے ای ڈی کے دفتر پہنچے جہاں ان کے وکلا کی ٹیم بھی موجود تھی۔ ذرائع کے مطابق ای ڈی کے اہلکار نے ان سے ممبئی کے گورگاؤں علاقے میں پترا چاول کی تعمیر نو سے منسلک منی لانڈرنگ کیس میں ملوث ہونے اور ان کی بیوی ورشا راوت سے مبینہ طور پر مالی لین دین کے تعلق سے پوچھ گچھ کی۔ Money Laundering Case
راوت نے ای ڈی آفس میں داخل ہونے سے قبل کہا کہ میں ایک نڈر انسان ہوں کیونکہ میں نے اپنی زندگی میں کبھی کوئی غلط کام نہیں کیا۔ اگر یہ سب کچھ سیاسی ہے تو ہمیں بعد میں پتہ چل جائے گا۔ ابھی، مجھے لگتا ہے کہ میں ایک غیر جانبدار ایجنسی کے پاس جا رہا ہوں، اور مجھے ان پر پورا بھروسہ ہے۔'
واضح رہے کہ راوت کو ای ڈی نے ایک ایسے وقت میں طلب کیا تھا، جب شیو سینا اپنے اراکین اسمبلی کے ایک گروپ کی بغاوت سے لڑ رہی تھی اور ادھو ٹھاکرے کی قیادت والی مہاراشٹر وکاس اگھاڑی (MVA) حکومت کو بچانے کے لیے جدوجہد کر رہی تھی جس کے بعد آج ای ڈی نے انہیں سمن کرکے طلب کیا۔
انہوں نے کہا کہ ای ڈی کے سامنے میں پیش ہوا، سمن کا احترام کرتا ہوں اور تحقیقاتی ایجنسیوں کے ساتھ تعاون کرنا میرا فرض ہے۔ میں شیو سینا کے کارکنوں سے اپیل کرتا ہوں کہ وہ ای ڈی کے دفتر میں جمع نہ ہوں۔ فکر نہ کریں۔' راوت نے ایک ٹویٹ میں یہ کہا لیکن اس کے باوجود بھی شیوسینکوں کی ایک بڑی تعداد ای ڈی دفتر کے باہر موجود تھی۔ راوت نے اپنے ٹویٹ میں نیشنلسٹ کانگریس پارٹی (این سی پی) کے سربراہ شرد پوار، مہاراشٹر کے سابق وزیر اعلیٰ ادھو ٹھاکرے، مغربی بنگال کی وزیر اعلیٰ ممتا بنرجی اور کانگریس لیڈر راہل گاندھی کو بھی ٹیگ کیا تھا۔
یہ بھی پڑھیں: Sanjay Raut To Appear Before ED: سنجے راوت آج ای ڈی کے سامنے پیش ہوں گے
یو این آئی
