رتلام: ریاست مدھیہ پردیش کے رتلام ضلع میں رتلام اندور ہائی وے پر ایک بے قابو کار نے سڑک کنارے مزدوروں کو ٹکر مار دی، جس سے چار مزدوروں کی موقع پر ہی موت ہو گئی، جب کہ ایک درجن کے قریب مزدور شدید زخمی ہو گئے۔ پولیس ذرائع کے مطابق یہ مزدور رتلام اندور ہائی وے پر جمونیہ فانٹے کے قریب ایک پل پر کام کر رہے تھے۔ car crushed roadside labourers in Ratlam
اندور سے رتلام کی طرف بہت تیز رفتار سے آرہی ایک کار کے ڈرائیور نے کار پر قابو کھو دیا اور کار نے سڑک کے کنارے کام کرنے والے مزدوروں کو اپنی لپیٹ میں لے لیا۔ اس حادثے میں چار مزدوروں کی موقع پر ہی موت ہو گئی۔ مرنے والوں کی شناخت چھوٹو (23)، ٹیٹو(20)، وکاس کشیپ (19) اور ہری اوم کے طور پر ہوئی ۔ سبھی اتر پردیش کے رہنے والے ہیں۔
یہ بھی پڑھیں: Dhar Road Accident دھار سڑک حادثے میں چار لوگوں کی موت
یو این آئی
