اندور: ریاست مدھیہ پردیش کے صنعتی شہر اندور میں جی-20 کے تحت، ایگریکلچر ورکنگ گروپ کی پہلی زرعی نمائندہ میٹنگ 13 سے 15 فروری تک منعقد ہوگی۔ اس میٹنگ میں جی-20 کے رکن ممالک، مہمان ممالک اور بین الاقوامی تنظیموں کے تقریباً 100 مندوبین کی شرکت متوقع ہے۔ وزیر زراعت نریندر سنگھ تومر کی ہدایت پر، زراعت اور کسانوں کی بہبود کی وزارت نے مقامی انتظامیہ اور ریاستی حکومت کے ساتھ مل کر اس میٹنگ کی تیاری مکمل کر لی ہے۔ میٹنگ کے پہلے دن مدھیہ پردیش کے وزیر اعلی شیوراج سنگھ چوہان دوپہر میں نمائش کا افتتاح کریں گے۔ سری ان (جوار) اور اس کی قیمتی اشیاء خوردونوش کے ساتھ ساتھ مویشی پالنے اور ماہی پروری کے اسٹال سمیت دیگر اسٹال یہاں منعقد ہونے والی نمائش کے اہم پرکشش مقامات ہوں گے۔
ایگریکلچر ورکنگ گروپ کے پہلے اے ڈی ایم کے دوران زراعت سے متعلق امور پر تبادلہ خیال کرنے کے لئے پہلے دن دو طرفہ پروگرام طے کیے گئے ہیں۔ دوسرے دن 14 فروری کو مرکزی شہری ہوابازی کے وزیر جیوتی رادتیہ سندھیا استقبالیہ خطاب کریں گے، جس کے بعد حصہ لینے والے اراکین اور بین الاقوامی تنظیموں کے درمیان عمومی بحث ہوگی۔ تیسرا دن ایک تکنیکی سیشن ہو گا جس میں تمام متعلقہ ممبران اور بین الاقوامی تنظیموں کے مباحثے اور شرکت ہو گی۔ پروگرام میں میزبان ہندوستان کے علاوہ انڈونیشیا، برازیل، ارجنٹینا، آسٹریلیا، کینیڈا، چین، یورپی یونین، فرانس، جرمنی، اٹلی، جاپان، کوریا، میکسیکو، روس، سعودی عرب، جنوبی افریقہ، ترکی، برطانیہ اور امریکہ کے نمائندے بھی شرکت کریں گے۔ ان کے علاوہ بنگلہ دیش، مصر، ماریشس، ہالینڈ، نائجیریا، عمان، سنگاپور، اسپین، متحدہ عرب امارات اور ویتنام کے نمائندوں کو بھی مدعو کیا گیا ہے۔ جی20 میں بھارت کی صدارت کا موضوع 'واسودھیو کٹمبکم' پر مبنی زرعی نمائندوں کی تین روزہ میٹنگ میں گروپ ممالک کے نمائندے زرعی پیداوار میں اضافہ، پائیدار زراعت، زراعت، موسمیاتی تبدیلیوں کے اثرات، ڈیجیٹلائزیشن کا استعمال جیسے موضوعات پر غور و خوض کریں گے۔
یو این آئی
یہ بھی پڑھیں : G20 Summit 2023 جی-20 کے رکن ممالک کو گلوبل وارمنگ سے نمٹنے کے لیے متحد ہونا چاہیے، آر کے سنگھ
