Wildlife Department Caught Bear محکمہ وئلڈ لائف نے ریچھ کو پکڑلیا

جموں و کشمیر کے ضلع ہندوارہ بتشنگی راجوار بہنی پورہ راجپورہ میں پولیس اور محکمہ وئلڈ لائف نے ریچھ کو پکڑلیا ہے۔ کئی ہفتوں سے مقامی لوگوں سکون کی نیند سو نہیں پارہے تھے۔

شمالی کشمیر ہندوارہ کے راجپورہ رجوار گاوں میں کچھ ہفتوں سے ایک خبر گشت کررہی تھی کہ یہاں رات کے دوران قبرستان میں کوئی جانور قبریں کھود کر قبر سے لاشیں نکال رہا ہے اور یہ سلسلہ کئی ہفتوں تک جارہا۔ اس مسئلے سے مقامی آبادی میں سخت تشویش پائی جارہی تھی اور بتایا گیا ہیکہ کئی بار مقامی لوگ قبرستان کے باہر گاڑیوں میں لائٹس لگا کر بیٹھے اور گشت کر رہےتھے۔لیکن انہیں کچھ ہاتھ نہیں لگا اس کے بعد انہوں نے یہ مسئلہ وئلڈ لائف کو بتایا تو وئلڈ لائف اہلکاروں نے وہاں ایک ہفتے سے پنجرہ لگایا۔

اس کے بعد بھی کچھ پتہ نہیں چلا بعد ازاں آج کئی ہفتوں کے بعد بتشگی میں لگائے گئے پنجرے میں ایک آدم خوار ریچھ پھس گیا ۔جس کا محکمہ وئلڈ لائف کے اہلکاروں نے اعتراف کیا کہ یہ وہی آدم خوار ریچھ ہے جو کئی ہفتوں سے بتشگی ۔راجپورہ کے بستوں میں قبرستان سے لاشیں نکال رہا تھا۔

تاہم محکمہ وئلڈ لائف اور ہندوارہ پولیس نے کافی مشقت کے بعد آخر کار اس آدم خور ریچھ کو پکڑ کر سوپور منتقل کیا اس کاروائی پرعلاقے کے لوگوں نے ہندوارہ پولیس اور محکمہ وئلڈ لائف کی تعریف کی۔