کولگام: جنوبی کشمیر کے دیوسر، کولگام میں سیاسی کارکنان، سیول سوسائیٹی ممبران سمیت سینکڑوں مقامی باشندوں نے علاقے کو ’ٹاؤن‘ کے دائرہ اختیار سے نکال کر اسے ماڈل ٹائون کا درجہ دینے کی مانگ کرتے ہوئے احتجاج کیا۔ Protest in Kulgam احتجاج میں شامل سینکڑوں افراد نے انتظامیہ مطالبہ کرتے ہوئے کہا کہ علاقہ تعمیر و ترقی کے لحاظ سے کافی پسماندہ ہے اور اسے ’ٹاؤن‘ کے دائرہ اختیار میں شامل کرنا یہاں کے لوگوں کے ساتھ صریح نا انصافی ہے۔
احتجاج میں بھارتیہ جنتا پارٹی کے لیڈران و کارکنان نے بھی شرکت کی۔ سیاسی کارکنان نے میڈیا نمائندوں کے ساتھ بات کرتے ہوئے کہا کہ ’’دیوسر علاقہ تعمیر و ترقی کے لحاظ سے کافی پسماندہ ہے۔ دیوسر جیسے پسماندہ علاقے کو، جہاں کوئی ڈگری کالج بھی نہیں، ٹاؤن میں شامل کرنا محض ووٹ بینک سیاست کا نتیجہ ہے۔‘‘ انہوں نے کہا کہ یہاں کے باشندے طویل عرصہ سے ماڈل ولیج کی مانگ کر رہے ہیں جسے حکام نظر انداز کر رہے ہیں۔
احتجاج کر رہے لوگوں نے انتباہ کرتے ہوئے کہا کہ ’’ہم اس مہینے کے آخر تک حکام کے فیصلہ کا انتظار کریں گے، اگر لوگوں کے جائز مطالبے کو تسلیم نہ کیا گیا تو احتجاج میں شدت لائی جائے گی۔‘‘ Devsar Residents Demand Model Village Status
- مزید پڑھیں: ماڈل ولیج ہالسڈار میں ماڈل جیسا کچھ بھی نہیں
