اپوزیشن کی جانب سے انٹی کنورژن بل پر بحث کی اجازت دینے کے لیے احتجاج کیا۔ اس دوران کرناٹک انٹی کنورژن بل کو منظور کر لیا گیا۔
کرناٹک اسمبلی نے تبدیلی مذہب مخالف بل منظور Karnataka Assembly Passes Anti-Conversion Bill کر لیا ہے۔ بتایا جاتا ہے کہ تبدیلی مذہب کے حوالے سے بل میں تعزیری دفعات رکھی گئی ہیں اور اس بات پر بھی زور دیا گیا ہے کہ جو لوگ اپنا مذہب ترک کر کے دوسرا مذہب اختیار کرنا چاہتے ہیں، انہیں دو ماہ قبل ڈپٹی کمشنر کو درخواست دینی ہوگی۔
کرناٹک اسمبلی نے اپوزیشن کے احتجاج کے درمیان تبدیلی مذہب مخالف بل منظور کر لیا۔ کابینہ نے 20 دسمبر کو تبدیلی مذہب مخالف بل کو منظوری دی تھی۔ ریاستی وزیر داخلہ اراگا گیانندرا نے منگل کو اسمبلی میں بل پیش کیا۔
اس بل کو جب ایوان میں پیش کیا گیا تھا تب کانگریس اراکین اسمبلی نے ہنگامہ کیا۔ یہاں تک کہ کرناٹک کانگریس کے صدر ڈی کے شیوکمار نے ایوان میں تبدیلی مذہب مخالف بل کی کاپی پھاڑ دی تھی جس کے بعد کانگریس ممبران اسمبلی نے نعرے لگاتے ہوئے ایوان سے واک آؤٹ کیا تھا۔ بدھ کو کرناٹک اسمبلی میں تبدیلی بل پر بحث ہوئی۔
کانگریس شروع سے ہی اس بل کی مخالفت کر رہی تھی۔ اپوزیشن لیڈر اور سابق وزیر اعلیٰ سدارامیا نے کہا تھا کہ ہم اس بل کے خلاف ہیں کیونکہ یہ عوام اور آئین کے بنیادی حقوق کی خلاف ورزی کرتا ہے۔
