'لڑکیوں کی تعلیم پر خاص توجہ دیں تاکہ وہ قوم و ملت کا سرمایہ بنیں'

رواں برس پری یونیورسٹی کالج میں کامیاب ہونے والے طالبات کے لیے کرناٹک کے شہر تمکور کے گلوبل شاہین کالج میں ایک کونسلنگ سیشن و کریئر گائڈینس پروگرام کا اہتمام کیا گیا۔

اس موقع پر بات کرتے ہوئے گلوبل شاہین کالج کے مہتمم افضل شریف نے کہاکہ پری یونیورسٹی کے بعد جو کہ طلباء کے لیے ایک ٹرننگ پوائنٹ ہے، اس موقع پر انہیں رہنمائی کی اشد ضرورت ہے تاکہ وہ اپنے کیرئیر و روشن مستقبل کے لئے بہتر مواقع کا انتخاب کرسکیں'۔

اس موقع پر معروف عالم دین مولانا مقصود عمران رشادی نے والدین سے اپیل کی کہ وہ اپنا سرمایہ لڑکیوں کی تعلیم پر خرچ کریں کہ وہ مستقبل میں نہ صرف اپنے خاندان بلکہ قوم و ملت کے لیے اثاثہ بنکر انسانیت کی خدمت کریں۔'اجلاس کے بعد کامیاب طالبات نے نامہ نگاروں کو بتایا کہ لڑکیاں ہر میدان میں ہر اعتبار سے مسابقت میں آگے رہ سکتی ہیں کہ وہ محنت کش ہیں۔ مزید طلبات کا کہنا ہے ہے پردہ ہرگز حصول تعلیم میں کسی قسم کی رکاوٹ نہیں بن سکتا۔کووڈ وباء و لاک ڈاؤن سے غریبوں و متوسط طبقات کے لیے ہیدا ہوئے دردناک حالات کا حوالہ دیتے ہوئے، افضل شریف نے حکومت کرناٹک سے اپیل کی کہ اقلیتی طلباء کے لیے اسکالرشپ اسکیمز کو پھر سے شروع کریں تاکہ ان کی تعلیمی سرگرمیاں منقطع نہ ہوں'۔