ریاست کرناٹک کے دارالحکومت بنگلور میں ٹیچرز ڈے کے موقع پر تعلیمی ادارہ 'فالکن گروپ آف انسٹی ٹیوشن' کی جانب سے شہر کے اہم ماہرین تعلیم کی نمایاں خدمات کے اعتراف میں انہیں ایوارڈز سے نوازا گیا۔
اس موقع پر ماہر تعلیم ڈاکٹر رفیع اللہ بیگ نے کہا کہ 'نئی نسل کی نشوونمائی کے لیے اساتذہ کی عزت و احترام ضروری ہے۔'
فالکن گروپ آف انسٹی ٹیوشن کے ڈائریکٹر عبد السبحان نے بتایا کہ 'اساتذہ کے وقار کو پہچاننے کے لیے ان کے ادارے کی یہ ایک چھوٹی سی کوشش ہے۔'
اس موقع پر ماہر تعلیم پروفیسر نشات خالدہ پروین نے سماجی تنظیموں کو پیغام دیا کہ 'ملت کے مستحق طلبا میں اسکالرشپ تقسیم کرنے میں ترتیب اختیار کریں۔'
یہ بھی پڑھیں: آنجہانی سروپلی رادھاکرشنن کی تیار کردہ انڈین انسٹی ٹیوٹ آف ہائر سٹڈیز متحرک
ٹیچرز ڈے کے موقع پر ماہرین تعلیم پریانکا سنگھ اور ڈاکٹر انیشیہ نے طلباء کو پیغام دیا کہ وہ کڑی محنت کر اپنے خوابوں کی تعبیر کریں۔'
اس موقع پر تمامی ماہرین تعلیم نے طلباء سے خطاب میں کہا کہ وہ اپنے اساتذہ کی عزت و احترام کرتے ہوئے اپنی حصول علم کے سفر کو جاری رکھیں اور یقیناً کامیابی ان کا مقدر ہوگی۔'
