ریاسی ضلع کے کنڈائی دارنتھل سجرو میں بجلی کا کرنٹ لگنے سے محکمہ بجلی کے ڈیلی ویجر ملازم کی موقع پر موت ہوگئی۔
اطلاعات کے مطابق ڈیلی ویجر ملازم کی موت اس وقت ہوئی جب وہ بجلی ترسیلی لائنوں کی مرمت کر رہا تھا۔
مقامی ذرائع کے مطابق ہلاک شدہ ڈیلی ویجر ملازم بجلی تاروں کی مرمت کر رہا تھا کہ اس دوران اچانک بجلی آگئی اور اس کی موت ہوگئی۔
ہلاک ہونے والے ڈیلی ویجر ملازم کی شناخت بشیر احمد ولد عبد الغفار حجام ساکن کلوا کے طور ہوئی ہے۔
لوگوں نے محکمہ بجلی پر غصے کا اظہار کرتے ہوئے کہا کہ مذکورہ ملازم کی موت محکمہ کی لاپروائی سے ہوئی ہے۔
لوگوں کے مطابق مذکورہ ملازم کی 15 دن قبل ہی شادی ہوئی تھی۔
