جنوبی کشمیر کے ضلع کولگام میں سڑک حادثات میں مزید اضافہ ہوا ہے، ایسے میں مقامی لوگوں میں کافی خوف وہراس کا ماحول پیدا ہوگیا ہے۔
آج بھی ضلع کے آوہٹو علاقے میں ایک موٹر سائیکل حادثے کا شکار ہوگیا جس کے نتیجے میں 13 ماہ کا بچہ ہلاک ہوگیا۔
اطلاعات کے مطابق محمد اشرف ایتو نامی ایک موٹر سائیکل سوار اُس وقت حادثے کا شکار ہوگیا جب وہ ایک ندی کو پار کررہا تھا اور ان کے ساتھ ان کا بیٹا حماد دونوں موٹر سائیکل سے گرگئے جس کے نتیجے میں وہ زخمی ہوگئے۔
دونوں کو زخمی حالات میں کولگام کے اسپتال میں لایا گیا تاہم ڈاکٹروں نے ان کے 13 ماہ کے بیٹے کو مردہ قرار دے دیا۔
واضح رہے کہ گزشتہ دنوں سے کولگام میں سڑک حادثات میں اضافہ دیکھنے کو مل رہا ہے۔ ضلع میں گزشتہ دنوں مختلف مقامات پر سڑک حادثات رونما ہوئے جن میں کئی اموات بھی ہوئی ہیں۔
