ملک میں کورونا وائرس کووڈ-19کے بڑھ رہے معاملوں کے پیش نظر ریلوے انتظامیہ نے سٹیشنز پر بھیڑ کو کم کرنے کے لیے مغربی،وسطیٰ اور جنوبی ریلوے کے کچھ سٹیشنز پر پلیٹ فارم ٹکٹ کی قیمت 10 رویے سے بڑھاکر 50 روپے کردیے گیے ہیں۔
ریلوے کی اطلاع کے مطابق کوروناوائرس سے نمٹنے کے لیے کی جارہی کوششوں کے تحت ریل انتظامیہ نے مغربی، وسطی اور جنوبی ریلوے کے تحت آنے والے کئی اہم سٹیشنز پر بھیڑ کم کرنے کی غرض سے پلیٹ فارم ٹکٹ کی قیمت میں اضاف کردیا گیا ہے، جو اب 10 روپے سے بڑھاکر 50 روپے ہوگئے۔
اطلاع کے مطابق ریلوے نے کہا کہ کچھ دنوں بعد صورتحال کا جائزہ لیا جائیگا اور حالات معمول پر آنے کے بعد پلیٹ فارم ٹکٹ کا دام پھر سے 10 روپے کردیا جائےگا۔
واضح رہے کہ ملک میں کوروناوائرس سے متاثر ہونے والوں کی تعداد مسلسل بڑھ رہی ہے جس کے پیش حکومت کئی احتیاطی اقدامات کررہی ہے اور لوگوں کو محتاط رہنے کی صلاح دی جارہی ہے۔