دارالحکومت دہلی کی اروند کیجریوال حکومت نے یومیہ اور دہاڑی مزدوروں کو ذہن میں رکھتے ہوئے سبھی رین بسیروں پر دن اور رات کا کھانا مفت دستیاب کرانے کا بھی انتظام کیا ہے۔ وزیر اعلی نے بزرگ اور سینئر شہریوں سے پھر سے گھر میں رہنے کی اپیل کا اعادہ کیا ہے۔
انہوں نے کہا کہ سب سے حساس گروپ کے طور پر آپ کا خصوصی بچاؤ کرنے اور آپ کو انفیکشن سے بچانے کی ضرورت ہے۔ سینئر شہریوں سے کچھ وقت کے لیے صبح اور شام ٹہلنے جانے کی بھی اپیل کی گئی ہے۔
انہوں نے کہا کہ جن لوگوں نے خود کو کوارنٹائن کرنے کے لیے کسی ہوٹل کو چنا ہے، ان لوگوں سے جی ایس ٹی نہیں لیا جائے گا۔
واضح رہے کہ ملک میں کورونا وائرس سے متاثر مریضوں کی تعداد بڑھ کر 258 ہوگئی ہے۔ وزارت صحت نے بتایا کہ ملک میں کورونا وائرس کے 258 معاملوں کی تصدیق ہوچکی ہے جن میں سے 219 مریض بھارتی ہیں جبکہ 39 غیر ملکی شہری ہیں۔ اس کے سبب ملک بھر میں چار لوگوں کی موت ہوگئی ہے اور 23 لوگ صحت مند ہو چکے ہیں۔
اس کے علاوہ چین کے شہر وہان سے پھیلنے والے کورونا وائرس کی زد میں اب تک دنیا کے 185 ممالک آچکے ہیں۔ دنیا میں مہلک کورونا وائرس سے اب تک 11395 لوگوں کی موت ہو چکی ہے۔ جبکہ 270971 لوگ اس سے متاثر ہیں۔
