نئی دہلی: دہلی کے شہری ترقی کے وزیر سوربھ بھاردواج نے کہا کہ اروند کیجریوال حکومت کی جانب سے 773 کروڑ روپے کی قسط جاری کرنے کے اس فیصلے سے دہلی میونسپل کارپوریشن کے ملازمین وقت پر تنخواہ اور پنشن حاصل کر سکیں گے۔ وزیر سوربھ بھاردواج نے پیر کو کہا کہ کیجریوال حکومت کے 773 کروڑ روپے کی قسط جاری کرنے کے اس فیصلے سے کارپوریشن میں کام کرنے والے ملازمین کو اپنی تنخواہ اور پنشن وقت پر مل سکے گی۔ اس کے علاوہ کارپوریشن کے صفائی کارکنوں، پیرا میڈیکل اسٹاف، ڈاکٹروں وغیرہ کی تنخواہیں بھی وقت پر ادا کی جائیں گی۔ حکومت کے اس فیصلے سے کارپوریشن کو دہلی کے لوگوں کو بہتر خدمات فراہم کرنے میں مدد ملے گی۔
انہوں نے کہا کہ وزیر اعلی اروند کیجریوال نے وعدہ کیا تھا کہ کارپوریشن میں پیسے کی کمی نہیں ہوگی۔ اس سلسلے میں اس مالی سال میں پہلی قسط کے طور پر کارپوریشن کو 773 کروڑ روپے دیے گئے ہیں۔ انہوں نے کہا کہ ان کی حکومت قومی راجدھانی دہلی کو صاف، خوبصورت اور جدید بنانے کے لیے پوری سنجیدگی کے ساتھ کام کر رہی ہے۔ اس سے پہلے بھارتیہ جنتا پارٹی کی حکومت والی کارپوریشن میں ملازمین کو وقت پر تنخواہ نہیں مل پاتی تھی، لیکن اب کیجریوال حکومت کے جاری کردہ فنڈز سے کارپوریشن کے ملازمین کو ان کی تنخواہ وقت پر ملے گی۔ واضح رہے کہ 21 اپریل کو کارپوریشن اسکولوں کے لیے گرانٹ ان ایڈ کے تحت اس سال 1700 کروڑ روپے مختص کیے گئے ہیں۔ اس کے تحت جمعرات کو پہلی سہ ماہی کے لیے 400 کروڑ روپے جاری کیے گئے تھے۔ وزیر تعلیم آتشی نے میئر شیلی اوبرائے کے ساتھ ایک پریس کانفرنس میں یہ جانکاری دی۔
یہ بھی پڑھیں: When Urdu Teachers are Appointed ایم سی ڈی میں اردو ٹیچرز کی تقرری آخر کب ہوگی؟
یو این آئی
