سیاحتی صنعت سے وابستہ افراد کے لیے ریلیف

مذکورہ ریلیف کیمپ کا اہتمام محکمۂ سیاحت ضلع انتظامیہ بڈگام اور کشمیر ویلفیئر ٹرسٹ کے اشتراک سے کیا گیا۔ اس دوران غریب و مستحق افراد کو فوڈ کٹس کے ساتھ کمبل اور کشمیری کانگڑی بھی دی گئی۔ اس دوران ڈائریکٹر ٹورازم کشمیر ڈاکٹر جی این ایتو اور ایڈیشنل ڈی سی بڈگام کے علاوہ ایس ڈی ایم چاڈورہ بھی موجود رہے۔

ڈاکٹر جی این ایتو نے کہاکہ " کورونا وائرس کی وجہ سے جہاں معمولات زندگی متاثر ہوئیں وہیں سیاحت سے وابستہ افراد معاشی طور پر سب سے زیادہ متاثر رہے اس لیے ان کی مدد کے لیے ریلیف کیمپ کا اہمتام کیا گیا۔'

ریلیف کیمپ کے دوران لوگوں سے اپیل کی گئی کہ یوس مرگ کو صاف ستھرا رکھنے میں انتظامیہ کے ساتھ تعاون کریں۔ انہیں تیقن دلایا گیا کہ اگر یہاں پر صاف صفائی بر قرار رہی زیادہ سیاح یہاں کا رخ کریں گے، جس کی وجہ سے ان کے کاروبار میں بھی اضافہ ہوگا۔'

لوگوں نے بھی راحت ملنے پر خوشی کا اظہار کیا۔ انہوں نے کہا کہ کورونا وائرس کی وجہ سے سیاح کم آئے جس کی وجہ سے ان کے روزگار پر کافی برا اثر پڑا تھا۔ انہوں نے محکمۂ ٹورازم اور دیگر افراد کا شکریہ ادا کیا۔ ریلیف کیمپ کے دوران کورونا وائرس ایس او پیز کا بھی خاص خیال رکھا گیا۔