اطلاعات کے مطابق ضلع بانڈی پورہ کے بھٹو علاقے میں جمعہ کے روز ایک سڑک حادثہ پیش آیا جس کے نتیجے میں 6 افراد زخمی ہو گئے۔
سرکاری ذرائع نے بتایا کہ گاڑی زیر نمبر JK05D-2131 پہاڑی علاقہ بٹھو سے بانڈی پورہ کی جانب جارہی تھی، اچانک میں ڈھڈکر کال کے قریب الٹ گئی اور نیچے کھائی میں جا گری۔
ذرائع نے بتایا کہ گاڑی میں سوار کم از کم چھ افراد زخمی ہوئے اور انہیں علاج کے لیے ڈسٹرکٹ ہسپتال بانڈی پورہ منتقل کردیا گیا ہے۔ عہدیدار نے بتایا کہ تمام زخمی افراد کی حالت مستحکم ہے، تاہم ڈرائیور کے سر پر شدید چوٹ لگی ہے اور انہیں سرینگر ہسپتال ریفر کیا گیا ہے۔
زخمی افراد کی شناخت غلام احمد ریشی ولد غلام محمد رشی، عبدالوحید رشی ولدغلام محمد رشی، مبارک رشی ولد عبدالخالق ریشی، سعیدہ بیگم اہلیہ عبدالخالق رشی، آسیہ بانو بیٹی غلام نبی رشی، محد سید ریشی ولد محمد رمضان (ڈیرور) کے نام سے ہوئی اور سبھی کا تعلق بٹھو گاؤں سے ہے۔
