بانڈی پورہ: شمالی کشمیر کے ضلع بانڈی پورہ کے سمبل پولیس تھانہ میں گزشتہ ایک سال سے خدمات انجام دے رہے ایس ایچ او میر سلیم کو تبادلہ کے موقع پر سمبل کے عوام نے والہانہ طریقے سے الوداع کیا۔ سوناواری کے لوگ پولیس اسٹیشن سمبل کے باہر جمع ہوئے اور یہاں سے ٹرانسفر ہونے والے ایس ایچ او کو شاندار طریقے سے وداع کیا۔ ایس ایچ او سمبل میر سلیم یہاں گزشتہ ایک سال سے کام کررہے تھے اور کچھ روز قبل انہیں بانڈی پورہ پولیس تھانہ میں منتقل کیا گیا ہے۔ Farewell Ceremony of SHO Sumbal in Bandipora
- یہ بھی پڑھیں: Farewell Party of SDPO Thana Mandi: ایس ڈی پی او تھانہ منڈی کی سبکدوشی پر الوداعی تقریب
ان کو رخصت کرنے کے سلسلے میں سول سوسائٹی کے ارکان اور سماجی و سیاسی کارکنوں کے متعدد گروپوں پر مشتمل لوگوں کا ایک بڑا اجتماع پولیس اسٹیشن سمبل پہنچا اور انہیں والہانہ طریقے سے رخصت کیا گیا۔ میڈیا سے بات کرتے ہوئے بہت سے سماجی کارکنوں نے میر سلیم کی سوناواری کے علاقے میں منشیات کے استعمال پر قابو پانے کی کوششوں کو سراہا۔ اُنہوں نے ان کی کامیابی اور خوشی کے لیے دعا کی۔ Transfer of SHO Sumbal to Bandipora Police Station
