جموں و کشمیر کے ضلع اننت ناگ میں مقامی لوگوں نے پینے کے پانی کی شدید قلت (water shortage) کو لے کر محکمہ جل شکتی کے خلاف احتجاج کیا۔ اننت ناگ کے علاقہ آرونی وارپورہ کے رہائشیوں کا الزام ہے کہ پینے کے پانی کی عدم دستیابی کی وجہ سے وہ آلودہ پانی پینے پر مجبور ہیں۔
مقامی لوگوں کا کہنا ہے کہ ان کے علاقہ میں گزشتہ دو برسوں سے پینے کے پانی کی شدید قلت ہے۔ پانی کی عدم دستیابی کی وجہ سے وہ آلودہ پانی پینے پر مجبور ہیں۔ جس کی وجہ سے وہ کئی طرح کے وبائی امراض میں مبتلا ہو رہے ہیں۔
انہوں نے بتایا کہ وہ وقت پر پانی کا بل بھی ادا کر رہے ہیں، اس کے باوجود بھی علاقے میں پینے کے صاف پانی کی بحالی کو یقینی نہیں بنایا جا رہا ہے۔
یہ بھی پڑھیں: شوپیان: پینے کے پانی کی قلت کو لیکر محکمہ جل شکتی کے خلاف احتجاج
لوگوں نے کہا کہ کئی بار انہوں نے یہ معاملہ متعلقہ محکمہ کی نوٹس میں لایا، تاہم انہیں ہر بار نظر انداز کیا گیا۔ انہوں نے انتظامیہ سے اپیل کرتے ہوئے کہا کہ ان کے علاقہ میں پینے کے صاف پانی کی دستیابی کو یقینی بنایا جائے۔
