اننت ناگ: محکمہ بجلی میں بحیثیت ڈیلی ویجر (یومیہ اجرت پر) کام کرنے والا ایک عارضی ملازم ضلع اننت ناگ کے دامجن قاضی گنڈ علاقہ میں جمعرات کے روز بجلی کی ترسیلی لائن کی مرمت کر رہا تھا، جس دوران کرنٹ لگنے سے وہ زخمی ہو گیا۔PDD Daily Wager Electrocuted
زخمی ہونے والے عارضی ملازم کی شناخت 50 سالہ نذیر احمد ایتو ساکن دامجن کے طور پر ہوئی ہے۔مذکورہ ملازم 11000KV لائن کی مرمت کر رہا تھا جس دوران انہیں بجلی کا جھٹکا لگا اور وہ زمین پر گر پڑے۔
حادثے کے فوراً بعد زخمی ملازم کو گورنمنٹ میڈیکل کالج اننت ناگ پہنچایا گیا۔جہاں اس کا علاج معالجہ ہورہا ہے۔اسسٹنٹ ایگزیکٹو انجینئر قاضی گنڈ محمد یوسف نے واقعہ کی تصدیق کرتے ہوئے کہا کہ ملازم کو فوری طور پر ہسپتال منتقل کیا گیا ہے جہاں اس کی حالت مستحکم ہے۔
مزید پڑھیں: Two Labourers Electrocuted : کوکرناگ میں کرنٹ لگنے سے 2 مزدور زخمی
