محکمۂ جنگلات نے جنوبی کشمیر کے ضلع اننت ناگ کے وائلو، کوکرناگ میں 26 مکعب عمارتی لکڑی کو ضبط کرکے دو اسمگلروں کو گرفتار کرکے ان کے خلاف کیس دائر کیا۔
اس ضمن میں رینج آفیسر، محمد اقبال کھانڈے نے ای ٹی وی بھارت کو تفصیلات فراہم کرتے ہوئے کہا کہ سبز سونے کی اسمگلنگ سے متعلق انہیں ایک مخصوص اطلاع موصول ہوئی جس کے بعد محکمۂ جنگلات نے وائلو میں ایک ناکہ قائم کیا۔
انہوں نے کہا کہ ناکہ پر رات کے دوران ایک گاڑی روک کر تلاشی کارروائی کی گئی جس میں سے قریب 26 فٹ عمارتی لکڑی موجود تھی جسے اسمگلر مقامی جنگل سے غیر قانونی طور پر کاٹ کر رات کے اندھیرے میں لے جارہے تھے۔
مزید پڑھیں؛ اننت ناگ: بجبہاڑہ میں سریگفوارہ زیارت روڑ کی حالت انتہائی خستہ
رینج آفیسر نے کہا کہ محکمۂ جنگلات نے لکڑی کو ضبط کرکے گاڑی میں سوار دو افراد کو پولیس اسٹیشن کوکرناگ پہنچاکر اس ضمن میں ایک مقدمہ درج کرلیا۔
عوامی حلقوں نے محکمۂ جنگلات کی کارروائی کی ستائش کی ہے وہیں محکمۂ جنگلات کے افسران نے بھی عوام سے سبز سونے کی حفاظت میں محکمہ کو تعاون دینے کی اپیل کی ہے۔
