ٹوکیو اولمپک کے ساتویں دن بھارت کی میڈل کی امیدوں کو اس وقت دھچکا لگا جب تجربہ کار مکے باز ایم سی میری کوم کو اپنی کولمبیائی حریف کے خلاف میچ میں شکست کا منہ دیکھنا پڑا۔
پہلا راؤنڈ میری کوم 1-4 سے ہار گئی تھیں تاہم انہوں نے دوسرے راؤنڈ میں شاندار واپسی کی اور 2-3 سے دوسرا راؤنڈ اپنے نام کیا۔
اس راؤنڈ میں دونوں باکسرز نے بہترین کھیل کا مظاہرہ کیا اور ورلڈ کلاس باکسنگ دیکھنے کو ملی۔
اس کے بعد تیسرے اور آخری راؤنڈ میں کولمبیا کی لورینا ویلینشیا میری کوم پر حاوی نظر آئیں اور یہ راؤنڈ جیت کر مکے بازی میں بھارت کی امیدوں کو ختم کر دیا۔
