کولمبو: سری لنکا نے گذشتہ شب کولمبو میں کھیلے گئے ٹی-20 سیریز کے تیسرے اور آخری میچ میں زمبابوے کرکٹ ٹیم کو نو وکٹوں سے شکست دے کر سیریز 2-1 سے جیت لی ہے۔ 83 رنز کے ہدف کے تعاقب میں سری لنکا نے پاتھم نسانکا کے ناٹ آوٹ 39 رنز اور کوسل مینڈس کے 33 رنز کی مدد سے 10.5 اوورز میں ایک وکٹ پر 88 رنز بنا کر میچ جیت لیا۔ دھننجے ڈی سلوا نے ناٹ آؤٹ 15 رنز بنائے۔
زمبابوے کی جانب سے شان ولیمز نے کوسل مینڈس کی وکٹ حاصل کی۔
آج سری لنکا نے ٹاس جیت کر پہلے گیند بازی کا فیصلہ کیا ہے۔ سری لنکا نے اپنے فیصلے کو درست ثابت کرتے ہوئے پہلے بیٹنگ کرنے والے زمبابوے کو 14.1 اوورز میں 82 رنز تک محدود کر دیا۔ زمبابوے کی جانب سے برائن بینیٹ نے سب سے زیادہ 29 رنز بنائے۔ شان ولیمز 15 رنز ، کپتان سکندر رضا 10 رنز اورتیناشے کامونہوکانوے 12 رنز بنانے کے بعد آؤٹ ہوئے۔ زمبابوے کے چھ کھلاڑی ڈبل فیگر میں بھی نہ پہنچ سکے۔
یہ بھی پڑھیں:سپر اوور میں روہت شرما کے ریٹائرڈ ہرٹ ہونے پر تنازعہ، کیا کہتے ہیں آئی سی سی کے قوانین؟
سری لنکا کی جانب سے وینندو ہسرنگا نے چار وکٹیں حاصل کیں۔ مہیش ٹکشینا اور اینجلو میتھیوز نے دو دو وکٹیں حاصل کیں۔ دھننجے ڈی سلوا اور دلشان مدوشنکا نے ایک ایک بلے باز کو آؤٹ کیا۔
یواین آئی
