لاہور: پاکستان اور انگلینڈ کے درمیان تین میچوں کی ٹیسٹ سیریز شیڈول کے مطابق ہوگی۔ ذرائع کا کہنا ہے کہ پاکستان اور انگلینڈ کے مابین یکم دسمبر سے پہلا ٹیسٹ میچ راولپنڈی میں کھیلا جائے گا۔ ذرائع کا کہنا ہے کہ دونوں ٹیموں کے درمیان ٹیسٹ میچ کراچی سے لاہور منتقل نہیں کیا جائے گا، سیریز کا دوسرا ٹیسٹ ملتان اور تیسرا کراچی میں ہوگا۔ Pakistan vs England Test
واضح رہے کہ اس سے قبل خبریں آئی تھیں کہ سیاسی جماعت کے لانگ مارچ کی وجہ سے پہلا ٹیسٹ کراچی منتقل کیے جانے کا امکان ہے۔ پی سی بی ذرائع نے بتایا کہ جمعرات یا جمعے تک شیڈول کی تبدیلی سے متعلق اعلان متوقع ہے جبکہ وینیو کی تبدیلی سے متعلق حکومتی تجویز بھی آنے کی توقع ہے۔
واضح رہے کہ انگلینڈ کے خلاف سیریز میں فاسٹ بولر حارث رؤف ڈیبیو کریں گے جبکہ محمد عباس کی بھی ٹیم میں شمولیت کا امکان ہے۔ پی سی بی کی جانب سے سیریز کے لیے قومی اسکواڈ کا اعلان آئندہ چند روز میں کیا جائے گا۔
یو این آئی
