سنچورین: سنچورین میں کھیلے جارہے پہلے ٹیسٹ میچ کے پہلے دن میزبان ٹیم جنوبی افریقہ کی دعوت پر پہلے بیٹنگ کرنے کے لئے میدان میں اتری ہندوستانی ٹیم کی شروعات مایوس کن رہی۔جنوبی افریقہ کے فاسٹ بالروں نے ہندوستان کے بلے بازوں کو شروع سے ہی دباو میں رکھا۔
ہندوستان کے 13 رنوں کے مجموعی اسکور پر کپتان روہت شرما 5 رن بنا کر کایگسو ربادا کی گیند پر کیچ آوٹ ہو گئے۔شبھمن گل بھی میدان میں زیادہ دیر تک ٹک نہیں سکے اور دو رن بنا کر بارگر کے شکار بن گئے۔یشسوی جیسوال 17 رنوں کی اننگ کھیل پویلین لوٹ گئے۔انہیں بارگر نے ویورین کے ہاتھوں کیچ آوٹ کرایا۔
س کے بعد وراٹ کوہلی اور شریس ائیر نے جنوبی افریقہ کے فاسٹ بالروں کے سامنے تھوڑی ہمت دیکھائی۔دونوں بلے بازوں نے چند شاندار شاٹ کھیل دباو کم کرنے کی کوشش کی۔کایگسو ربادا نے شریکس ائیر کو 31 رنوں کے انفرادی اسکور پر کلین بولڈ کردیا۔اس کے بعد ربادا نے وراٹ کوہلی کو بھی 38 رنوں کے انفرادی اسکور پر چلتا کیا۔
یہ بھی پڑھیں:آسٹریلیا پاکستان دوسرا ٹیسٹ میچ، پہلے دن آسٹریلیا کا اسکور تین وکٹ پر187 رنز
روی چندرن اشون آٹھ رن، شاردل ٹھاکر 24 رن اور جسپریت بمراہ ایک رن بنا کر آوٹ ہوئے۔ دوسرے اینڈ پر کے ایل راہل نے محتاط انداز میں بلے بازی کرتے ہوئے رن بنانے کا سلسلہ جاری رکھا۔کے ایل راہل 94 گیندوں پر سات چوکوں اور دو چھکوں کی مدد سے 66 رن ناٹ آوٹ ہوہیں۔جنوبی افریقہ کی جانب سے فاسٹ بالر کایگسو ربادا 44 رن دے کر پانچ وکٹ حاصل کئے۔اس کے علاوہ بارگر کو دو جبکہ مارکو جانسن کو ایک وکٹ ملا۔
