لیما: پیرو کے شمالی علاقے میں ہفتے کی صبح ایک دردناک حادثہ سامنے آیا ہے۔ جہاں ایک بس جس میں 60 مسافر سوار تھے، پہاڑ سے نیچے گر گئی۔ اس حادثے میں کم از کم 24 لوگوں کی موت ہو گئی ہے۔ پولیس نے مقامی میڈیا کو واقعے کی اطلاع دی ہے۔ پیرو کی ٹرانسپورٹ سپروائزری ایجنسی (ایس یو ٹی آر اے این) نے ایک بیان میں حادثے کی تصدیق کی ہے۔ ایجنسی نے کہا کہ یہ حادثہ پیرو کے شمال میں ال الٹو ضلع میں پیش آیا۔
رپورٹ کے مطابق بس پیرو کے دارالحکومت لیما سے ایکواڈور کی سرحد کے قریب واقع تمبیس علاقے کے لیے روانہ ہوئی تھی۔ اسی وقت یہ حادثہ پیش آیا۔پولیس نے موقع پر پہنچ کر زخمیوں کو قریبی اسپتالوں میں داخل کرایا۔ پولیس فی الحال حادثے کی وجہ کی تحقیقات کر رہی ہے۔ ایس یو ٹی آر اے این نے کہا کہ پیرو میں سڑک کے حادثات عام ہیں، بہت سے ڈرائیور سڑکوں پر اور مناسب تربیت کے بغیر گاڑیاں چلاتے ہیں۔ اس سے قبل سال 2021 میں اینڈیز کے پہاڑوں میں ایک بس کے ہائی وے سے گرنے سے 29 افراد ہلاک ہو گئے تھے۔
قابل ذکر ہے کہ پیرو جمہوریہ جنوبی امریکہ کے مغرب میں واقع ایک ملک ہے۔ اس کے شمال میں کولمبیا، ایکواڈور، اور مشرق میں برازیل، جنوب مشرق میں بولیویا اور جنوب میں چلی واقع ہے۔ پیرو کا شہر لیما سب سے بڑا شہر اور دار الحکومت ہے۔
یہ بھی پڑھیں: پیرو بس حادثہ میں 29 کی موت، متعدد زخمی
Lakhimpur Kheri Accident لکھیم پور کھیری میں ٹرک نے بھیڑ کو روندا، پانچ لوگوں کی موت
یو این آئی
