ETV Bharat / international

Blackout In Gaza غزہ میں مکمل بلیک آوٹ، مواصلاتی نظام بھی منقطع، الشفا اسپتال کے قریب بمباری

author img

By ETV Bharat Urdu Team

Published : Oct 28, 2023, 7:29 AM IST

Updated : Oct 28, 2023, 8:15 AM IST

غزہ میں مکمل بلیک آوٹ اور مواصلاتی نظام کو ٹھپ کردیا گیا ہے۔ غزہ کے تباہی کے مناظر اب دنیا کے سامنے آنا مشکل ہوگیا ہے۔ اسرائیل کے جنگی طیاروں نے الشفا اور اندونیشیا اسپتال کے قریب بمباری کی ہے۔ بتایا جارہا ہے کہ اس اسپتال میں تقریباً 40 ہزار فلسطینی پناہ لیے ہوئے ہیں۔ Indonesian Hospital, Israel Hamas War, internet and communications in the Gaza

Complete blackout in Gaza
Complete blackout in Gaza

غزہ: غزہ میں اسرائیل کی جانب سے اب تک کی سب سے بڑی فوجی کاروائی جاری ہے۔ غزہ میں ہلاکتوں کی تعداد اب 7500 سے تجاوز کرگئی ہیں۔ ایک اندازے کے مطابق 21 ہزار سے زائد فلسطینی، اسرائیلی حملوں میں زخمی ہوئے ہیں۔

  • غزہ میں بلیک آوٹ:

اسرائیل، غزہ کو صفحہ ہستی سے مٹانے پر آمادہ ہوگیا ہے۔ غزہ میں ٹیلی فون اور انٹرنیٹ خدمات پوری طرح سے بند کردی گئی ہیں۔ یہی وجہ ہے کہ غزہ سے باہری دنیا کا رابطہ ختم ہوچکا ہے۔ ایسے میں خدشہ ظاہر کہا جارہا ہے کہ، اب اسرائیلی جارحیت کے ثبوت دنیا پر ظاہر بھی نہیں ہوں گے۔ مغربی کنارے کے شہر رام اللہ میں مقیم ایک حقوق نسواں تنظیم کی ڈائریکٹر وفا عبدالرحمن کا کہنا ہے کہ، "میں بہت ڈری ہوئی تھی کہ ایسا ہونے والا ہے۔" انھوں نے کہا کہ انھوں نے وسطی غزہ میں مقیم اپنے اہل خانہ سے کئی گھنٹوں سے بات نہیں کی۔ وفا عبدالرحمن کا کہنا ہے کہ "ہم ٹی وی پر لائیو ہونے کی وجہ سے یہ خوفناک چیزیں اور قتل عام دیکھ رہے ہیں، تو اب جب مکمل بلیک آؤٹ ہو گا تو کیا ہوگا؟" فلسطینی وزیراعظم کا کہنا ہے کہ انٹرنیٹ سروس کی معطلی غزہ پٹی پر زمینی حملے کا پیش خیمہ ہے۔ اقوام متحدہ کے ادارے یونیسیف کا بیان سامنے آیا ہے جس کے مطابق غزہ میں کام کرنے والے اس کے عملے سے رابطہ منقطع ہوگیا ہے اور ہمیں غزہ میں اپنے اہلکاروں کی حفاظت سے متعلق سخت تشویش ہے۔ عالمی ادارہ صحت نے بھی غزہ میں انٹرنیٹ خدمات کی معطلی پر تشویش کا اظہار کیا ہے۔

  • اسرائیل نے غزہ میں بلیک آوٹ کیوں کیا؟

ہیومن رائٹس واچ کی سینئر ٹیکنالوجی اور انسانی حقوق کی محقق ڈیبورا براؤن کا کہنا ہے کہ بمباری والے انکلیو میں مکمل مواصلاتی بلیک آؤٹ لوگوں کو "اپنے پیاروں سے بات چیت کرنے اور جان بچانے والی طبی اور دیگر ضروری خدمات تک رسائی" سے روک رہا ہے۔ انہوں نے مزید کہا: "اس بلیک آؤٹ سے بڑے پیمانے پر ہونے والے مظالم اور انسانی حقوق کی خلاف ورزیوں کو دنیا کے سامنے آنے دینے سے روکنا ہوسکتا ہے۔" ایمنسٹی انٹرنیشنل کا کہنا ہے کہ مواصلاتی نظام ٹھپ کرنے کا مطلب یہ ہے کہ غزہ میں فلسطینی شہریوں کے خلاف ہونے والی انسانی حقوق کی خلاف ورزیوں اور جنگی جرائم کے معلومات اور ثبوت حاصل کرنا اور ان خلاف ورزیوں کا سامنا کرنے والوں سے رابطہ مشکل ہو جائے گا۔

  • #WATCH | Heavy shelling lit up the night on the Gaza side of the border area with Israel yesterday as the Israeli army expanded its military operation into the enclave.

    (Video Source: Reuters) pic.twitter.com/Ly4JQEQJKd

    — ANI (@ANI) October 27, 2023 " class="align-text-top noRightClick twitterSection" data=" ">
Complete blackout in Gaza
Complete blackout in Gaza

یہ بھی پڑھیں: غزہ پٹی میں یو این کے پچاس سے زائد کارکن ہلاک

  • اسرائیلی فوج اور حماس کے جنگجوؤں میں جھڑپیں:

اسرائیلی فوج کے ترجمان ریئر ایڈمرل ڈینیئل ہاگری نے کہا کہ زمینی افواج جمعہ کی شام غزہ میں "اپنی سرگرمیاں بڑھا رہی ہیں" اور "جنگ کے مقاصد کو حاصل کرنے کے لیے بڑی طاقت سے کام کر رہی ہیں۔" اسرائیل کا کہنا ہے کہ اس کے حملوں میں حماس کے جنگجوؤں اور بنیادی ڈھانچے کو نشانہ بنایا جاتا ہے۔ انھوں نے کہا کہ عسکریت پسند شہریوں کے بیچ میں رہ کر کام کرتے ہیں، جس سے شہری خطرے میں پڑ جاتے ہیں۔ حماس کے میڈیا سنٹر نے کئی مقامات پر اسرائیلی فورسز کے ساتھ رات کے وقت شدید جھڑپوں کی اطلاع دی ہے۔ اسرائیل نے متوقع زمینی کارروائی سے قبل سرحد پر لاکھوں فوجیوں کو جمع کیا ہے۔

  • الشفا اسپتال کے اطراف پر اسرائیلی فضائیہ کی بمباری:

ایک رپورٹ کے مطابق اسرائیل کم ازکم 100 طیاروں کے زریعہ غزہ کے مختلف مقامات پر بم برسا رہا ہے۔ گولہ باری کے لئے اسرائیل توپ بھی استعمال کررہا ہے، الجزیرہ کے مطابق اسرائیلی طیاروں نے انڈونیشیا اور الشفا اسپتال کے قریب بھی بمباری کی۔ واضح رہے اسرائیل یہ دعویٰ کررہا ہے کہ حماس الشفا اسپتال سے اپنی کارروائیاں انجام دے رہا ہے جبکہ حماس اسرائیل کے دعوے کو مسترد کرچکا ہے۔ ایک اندازے کے مطابق الشفا اسپتال میں کم ازکم چالیس ہزار افراد الشفا اسپتال میں پناہ لیے ہوئے ہیں۔

Last Updated :Oct 28, 2023, 8:15 AM IST

TAGGED:

Complete blackout in GazaIndonesian HospitalIsrael Hamas War

Quick Links / Policies

Get Us On

ETV Bharat IOS AppETV Bharat Google App

Please write to us, for media partnership and Ad-sales inquiries. Email: adops@etvbharat.com

فیچر

نہرو سے مودی تک، کس وزیراعظم نے کس پارلیمانی سیٹ سے الیکشن لڑا؟ - PM Parliamentary Seat

کیا آپ نے نوٹا کا بٹن دبایا ہے، جانیں الیکشن میں اس کی اہمیت، ای وی ایم میں کب کرایا گیا متعارف - Lok Sabha Election 2024

ای وی ایم میں ووٹ کیسے ڈالے جاتے ہیں؟ ان چیزوں کا رکھیں خیال - Lok Sabha Elaction 2024

آپ اپنی ووٹنگ سلپ آن لائن کیسے حاصل کر سکتے ہیں؟ - Voting Slips Online

ٹرینڈنگ

(کسی بھی موضوع پر کلک کریں)
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.