برلن: روسی نژاد امریکی مصنف ماشا گیسن کو جمعہ کے روز جرمنی کے شہر بریمن کے سٹی ہال میں سیاسی فکر کے لیے ہننا ارینڈ پرائز ملنا تھا۔ لیکن جب گیسن کا نیویارک ٹائمس میں فلسطین کی حمایت میں ایک مضمون شائع ہوا توایوارڈ تقریب کو اسپانسر کرنے والی تنظیم، ہینرک بول فاؤنڈیشن، اور بریمن شہر کی سینیٹ نے تقریب سے دستبرداری اختیار کر لی۔ جرمن خبر رساں ایجنسی ڈی پی اے کی رپورٹ کے مطابق، پھر یہ تقریب ہفتے کے روز ایک چھوٹے سے کمرے میں مختلف جگہ پر منعقد کی گئی، جس میں تقریباً 50 مہمان ہی مدعو کیے گیے۔ یہاں پولیس سکیورٹی بھی تھی۔ چونکہ جرمنی کے عوام کا ایک بڑا طبقہ اسرائیل حامی تسلیم کیا جاتا ہے، اس لیے وہ اسرائیل پر ماشا گیسن کی تنقید کو برداشت نہیں کر پائے۔
- ماشا گیسن نے مضمون میں کیا لکھا تھا:
روسی نژاد امریکی مصنف ماشا گیسن سوویت یونین میں یہودیوں میں پیدا ہوے۔ یہودی ہونے کے باوجود ، وہ غزہ میں اسرائیل کی فوجی کارروائی کے مخالف رہے ہیں۔ ماشا گیسن نے نیویارک ٹائمس میں ایک مضمون لکھا تھا جس میں غزہ میں اسرائیلی کارروائی کو جرمن ہولوکاسٹ سے تعبیر کیا ہے۔ واضح رہے جرمنی میں ایڈولف ہٹلر کے ہولوکاسٹ میں 60 لاکھ یہودیوں کا قتل کیا گیا تھا۔ گیسن کے مضمون کا عنوان ہے، "ہولوکاسٹ کے سائے میں"،۔ اس میں مصنف نے جرمن ہولوکاسٹ کی یاد کو تازہ کرتے ہوئے، یہ دلیل دی ہے کہ جرمنی آج اسرائیل پر آزادانہ اور کھلی بحث کو روک رہا ہے۔ گیسن نے فلسطینیوں کے ساتھ اسرائیل کے سلوک پر بھی تنقید کرتے ہوئے لکھا کہ، غزہ، نازی جرمنی کے زیر قبضہ مشرقی یورپی ملک میں یہودی بستی کی طرح ہے"۔
یہ بھی پڑھیں:صہیونیت مخالف یہودیوں کا اسرائیل سے جنگ بندی کا مطالبہ
