اسکائی نیوز کے ساتھ ایک انٹرویو میں بولتے ہوئے والیس نے کہا کہ اگر وہ ایسا کرنے کا فیصلہ کرتے ہیں، تو وہ یوکرین کی مدد کے لیے جیٹ طیاروں کی سپلائی میں پولینڈ کی حمایت کریں گے۔
انہوں نے کہا کہ ’’پولینڈ یہ جانتا ہے کہ وہ جس متبادل کا انتخاب کر رہا ہے وہ نہ صرف براہ راست یوکرین کی مدد کرے گا، بلکہ یہ عمل انہیں روس یا بیلاروس جیسے ملکوں سے براہ راست جنگ میں جھونک دے گا۔‘‘
انہوں نے کہا کہ انہیں اسے الگ طریقے سے دیکھنا ہوگا۔ یہ پولینڈ کے صدر اور وزیر دفاع کے کندھوں پر ایک بڑی ذمہ داری ہوگی۔
انہوں نے کہا کہ ’’ان کی پسند پر غور کرنا میرا کام نہیں ہے، لیکن ناٹو کے ایک ساتھ رکن کے طور پر میں یہ کہوں گا کہ میں پولینڈ کے ساتھ کھڑا رہوں گا۔‘‘
یہ بھی پڑھیں: Russia Ukraine War: ظلم کرنے والوں کو نہ فراموش کریں گے اور نہ ہی معاف، یوکرینی صدر زیلنسکی
وہیں امریکہ نے پولینڈ میں پیٹریاٹ ایئر ڈیفنس سسٹم کے دو یونٹ تعینات کر دیے ہیں۔ امریکی یوروپی کمان کے ترجمان نے کہا کہ امریکہ نے پیٹریاٹ ایئر ڈیفنس سسٹم کے دو یونٹ پولینڈ میں تعینات کر دیے ہیں۔
انہوں نے کہا کہ سکریٹری دفاع کی ہدایت پر اور ہمارے پولش اتحادیوں کی دعوت پر امریکی یوروپی کمانڈ کے کمانڈر جنرل وولٹرز نے امریکی فوج کو دو پیٹریاٹ یونٹ پولینڈ بھیجنے کی ہدایت دی ہے۔
انہوں نے کہا کہ ’’یہ ایک دور اندیشانہ فوجی حفاظتی اقدام ہے، جو آرٹیکل 5 سے ہماری وابستگی کو واضح کرتا ہے اور کسی بھی طرح سے کسی جارحانہ اقدام کی حمایت نہیں کرے گا‘‘۔
