Russia Ukraine War: ظلم کرنے والوں کو نہ فراموش کریں گے اور نہ ہی معاف، یوکرینی صدر زیلنسکی

یوکرین کے صدر زیلنسکی نے ایک خطاب میں کہا کہ "یہ قتل ہے، اور یہ جان بوجھ کر کیا گیا قتل ہے، ہم معاف نہیں کریں گے اور ہم نہیں بھولیں گے، ہم ان تمام لوگوں کو سزا دیں گے جنہوں نے ہماری سرزمین پر ظلم کیا۔ Russia Ukraine War

پڑوسی ملک روس کی جانب سے جنگ کا شکار ہونے والے ملک یوکرین کے صدر ولودیمیر زیلنسکی نے کہا ہے کہ ظلم کرنے والوں کو نہ بھولیں گے اور نہ ہی معاف کریں گے۔ Russia Ukraine War

انہوں نے روس کے حملوں کے دوران بچوں، خواتین پر ظلم کرنے والوں کو سزائیں دینے کے عزم کا اظہار کیا۔

روس کی جانب سے یوکرین پر مزید حملوں کے انتباہ کے بعد زیلنسسکی نے اپنے خطاب میں برہمی کا اظہار کیا اور کہا کہ یہ قتل عام ہے، نہ صرف قتل عام بلکہ سوچا سمجھا قتل عام ہے۔

انہوں نے کہا کہ ہم معاف نہیں کریں گے، ہم نہیں بھولیں گے، ہم ہر اس شخص کو سزا دیں گے جس نے ہماری سرزمین پر ظلم کیا ہے، ظلم کرنے والوں کے لیے اس زمین پر قبر کے سوا کوئی پرسکون جگہ نہیں ہوگی۔

اس سے قبل یوکرینی صدر ولودیمیر زیلنسکی نے ٹویٹر پر پوسٹ کی گئی ایک ویڈیو میں کہا تھا کہ ہم انسان ہیں اور یہ آپ (امریکہ، ناٹو، یورپی ممالک) کا انسانی فریضہ ہے کہ آپ ہماری حفاظت کریں اور آپ یہ کر سکتے ہیں۔ اگر آپ کم از کم ہمیں ہوائی جہاز نہیں دیتے ہیں کہ ہم اپنا دفاع کر سکیں تو صرف ایک ہی نتیجہ رہ جاتا ہے کہ آپ بھی چاہتے ہیں کہ ہم آہستہ آہستہ مار دیے جائیں۔ Russia Attacks Ukraine

خیال رہے کہ روسی افواج نے آج یوکرین کے شہروں کو ہوائی، زمینی اور سمندری راستوں سے مزید حملوں کا انتباہ جاری کیا ہے ۔

روس اور یوکرین کے درمیان مذاکرات کا تیسرا دور آج ہوگا جس کا مقصد خونریز تنازع سے نکلنے کا راستہ تلاش کرنا ہے۔