حیدرآباد: سنی دیول کی بہت زیادہ انتظار کی جانے والی فلم غدر 2 کی ریلیز کی تاریخ جیسے جیسے قریب آرہی ہے ویسے ویسے مداحوں کے جوش و خروش میں بھی اضافہ ہورہا ہے۔ اداکار فی الحال فلم کی تشہیر میں مصروف ہیں، جن کا مقابلہ باکس آفس پر اکشے کمار کی فلم او ایم جی 2 کے ساتھ ہوگا۔ سنی اس سے قبل باکس آفس پر ٹکراؤ کا سامنا کرچکے ہیں۔ واضح رہے کہ سال 2001 میں ان کی مشہور فلم غدر: ایک پریم کتھا کا عامر خان کی فلم لگان سے آمنا سامنا ہوا تھا۔ دلچسپ بات یہ رہی تھی کہ اس ٹکراؤ کے باوجود دونوں فلمیں ہی کامیاب ثابت ہوئی تھیں۔Gadar 2 vs OMG 2 clash at the box office
- " class="align-text-top noRightClick twitterSection" data="">
حال ہی میں ایک انٹرویو کے دوران جب ان سے اکشے کمار کی فلم کے ساتھ ہوانے والے باکس آفس ٹکراؤ کے بارے میں پوچھا گیا تھا سنی نے جواب دیتے ہوئے کہا کہ 'مجھے کچھ پتہ نہیں'۔ تاہم انہوں نے غدر اور لگان کے درمیان ہوئی باکس آفس ٹکراؤ کی یادیں تازہ کی۔ انہوں نے یاد کیا کہ کس طرح اس وقت لوگ لگان کی طرف زیادہ متوجہ تھے لیکن اس سے انہیں کوئی فرق نہیں پڑا۔ دیول نے کہا کہ ان کا فلم پر پختہ یقین ہے اور باقی سب تقدیر کے ہاتھوں ہیں۔ انہوں نے کہا کہ ' میری غدر ہے، جو ہوگا سو ہوگا'۔
اس موقع پر سنی دیول نے لگان کے مقابلے غدر کی ہوئی زیادہ کمائی پر بھی روشنی ڈالی۔ انہوں نے زور دیتے ہوئے کہا کہ ' لگان کی کمائی غدر کی کمائی کا پانچ فیصد بھی نہیں ہوگا۔ انہوں نے یہ بھی کہ اس طرح کے موازنہ کی کوئی ضرورت نہیں ہے لیکن انہوں نے یہ تسلیم کیا کہ لگان واقعی ایک اچھی فلم تھی جس نے بہترین غیر ملکی زبان کے زمرے میں باوقار اکیڈمی ایوارڈز کے لیے نامزدگی حاصل کی۔
غدر 2 میں سنی دیول اور امیشا پٹیل 22 سال بعد تارا سنگھ اور سکینہ کے کردار میں دوبارہ نظر آنے والے ہیں۔ شائقین اس بات کا بے صبری سے انتظار کر رہے ہیں کہ غدر 2 اور او ایم جی 2 میں کون سب سے زیادہ کامیابی حاصل کرتا ہے، یہ دونوں فلم 11 اگست کو ریلیز ہونے والی ہیں۔
