الور: کرنی سینا کے کارکنوں نے آج راجستھان کے الور میں فلم پٹھان کے خلاف مظاہرہ کیا۔ کرنی سینا کے کارکنوں نے ایس ایم ڈی سرکل پہنچ کر پٹھان فلم کے اداکار شاہ رخ خان کا پوسٹر جلا کر مظاہرہ کیا۔ اس دوران کرنی سینا کے کارکنوں کی بڑی تعداد موجود تھی۔Karni Sena protest against Pathan Movie
ریاستی تنظیم کرنی سینا کے جنرل سکریٹری بھوپیندر نے بتایا کہ فلم پٹھان میں بھگوا کی توہین کی گئی ہے اور اس فلم کی ہیروئین کو بھگوا لباس پہن کر ایک قابل اعتراض گانا گاتے ہوئے دکھایا گیا ہے، جس کی وجہ سے لوگوں میں کافی غصہ ہے۔ انہوں نے بتایا کہ بھگوا اور زعفران ہماری تہذیب اور بہادری کی علامت ہیں۔ انہوں نے بتایا کہ کرنی سینا اس فلم کو الور ضلع میں نہیں چلنے دے گی، اس لیے آج کرنی سینا نے پٹھان فلم اداکار شاہ رخ خان کا پتلا اور بینر جلایا ہے۔
یواین آئی