نوئیڈا کالج آف فیزیکل ایجوکیشن کے گراؤنڈ میں ہونے والے اس فری اسٹائل قومی چیمپین شپ میں ملک کی مختلف ریاستوں و مرکز کے زیر انتظام علاقوں کی 30 ٹیموں کے 600 سے زائد پہلوان دونوں زمروں میں مقابلہ کریں گے۔
اس سلسلے میں صحافیوں سے گفتگو کرتے ہوئے آرگنائزنگ کمیٹی کے چیئرمین ڈاکٹر سشیل راجپوت نے بتایا کہ' کالج میں منعقد ہونے والی چیمپئن شپ کا افتتاح 3 اپریل کو صبح دس بجے ہوگا۔ اس موقع پر علاقائی رکن پارلیمان اور اسمبلی کے علاوہ دیگر معزز شخصیات شرکت کریں گے۔ جبکہ صدارت رکن پارلیمان اور انڈین کشتی فیڈریشن کے صدر برج بھشن شرن سنگھ پروگرام کریں گے۔
سشیل راجپوت کے مطابق نیشنل چمپیئن شپ میں بھارت کے ابھرتے انٹر نیشنل پہلوان بھی شرکت کریں گے۔ اس تعلق سے راجپوت نے کہا کہ اس دو روزہ چیمپئن شپ کے تمام مقابلہ دلچسپ ہوں گے۔ چیمپین شپ کے دوران کھلاڑیوں کی تمام سہولیات کا خیال رکھا جائے گا، جبکہ آرگنائزنگ کمیٹی نے کووڈ-19 کے لئے جاری سرکاری احکامات پر عمل کرنے کے لئے مکمل تیاری کرلی گئی ہے۔ ہر ایک کو مطلع کیا گیا ہے کہ وہ کورونا کی رپورٹ کے ساتھ شرکت کریں۔
