blankets distribution in Ghaziabad: غازی آباد میں جوہر ویلفیئر سوسائٹی نے غریبوں کے درمیان کمبل تقسیم کیا

تنظیم نے پہلے سے ضرورتمند افراد کی فہرست تیار کر لی تھی، جن کے درمیان کمبل تقسیم کیا گیا۔

ڈاسنہ /غازی آباد: بارش کی وجہ سے اتر پردیس کے غازی آباد اور دہلی این سی آر میں سردی میں کافی اضافہ ہو گیا ہے۔ شدید ٹھنڈ سے لوگوں کو شدید مشکلات کا سامنا ہے۔

کڑاکے کی ٹھنڈ کی وجھ سے لوگوں کا گھر سے نکلنا بھی دشوار ھے۔ حالانکہ علاقہ کی بعض سرکردہ ملی و سماجی تنظیمیں اپنے محدود وسائل کے باوجود مختلف مقامات پر فلاحی کام سر انجام دے رہی ہیں اور غریب اور ضرورت مند افراد کو راحت پہنچانے اور مستحق افراد میں سردی سے بچاؤ کے لئے کمبل و دیگر گرم کپڑے تقسیم کئے جا رہے ہیں۔اسی سلسلہ کو جاری رکھتے ہوئے جوہر ویلفیئر سوسائٹی Johar Welfare Society نے بھی اتر پردیش کے غازی آباد کے ڈاسنہ بس اسٹینڈ کے قریب سوسائٹی کے سیکریٹری تفسیر احمد کی رہائش گاہ پر غریبوں میں کمبل تقسیم کئے۔ پہلے سے ہی ضرورت مند افراد کی نشاندہی کردی گئی تھی پھر انہیں کمبل دیئے گئے۔اس موقع پر صدر شباب احمد خان نے کہا کہ علاقے میں درپیش مسائل پر بھی ہماری خصوصی توجہ رہتی ہے۔ تعلیم کے شعبے میں ہماری جدوجہد جاری ہے۔ نوجوان طبقے کے لیے اسکیل ڈیولپمنٹ پروگرام پر بھی کام ہو رہا ہے۔جوہر ویلفیئر سوسائٹی کی جانب سے انگلش اسپیکنگ کورس بھی کرائے جا رہے ہیں۔

کمبل تقسیم کے دوران تفسیر احمد سیکریٹری، حاجی عارف (بیٹری والے)، شباب احمد خان (صدر)، نعیم احمد ایڈووکیٹ، محمد راشد، عبداسلام و دیگر کارکن موجود تھے۔