میرٹھ: ہلاک ہوئے کسانوں اور جوانوں کو گردوارہ کی جانب سے خراج عقیدت پیش کیا گیا

لکھیم پور اور جموں و کشمیر میں پیش آئے واقعات کے بعد آج میرٹھ میں تھاپر نگر گوردوارہ کے سربراہ رنجیت سنگھ نے اس واقعے کی مذمت کرتے ہوئے کہا کہ اترپردیش کے سربراہ یوگی آدتیہ ناتھ کو اب وزیراعظم بنانے کی مہم تیز کی جائے گی۔

ساتھ ہی لکھیم پور میں کسانوں کے گنہگار وزیر کے بیٹے کے سامنے آنے پر مرکزی وزیر کو استعفیٰ دے دینا چاہیے اور ایسے گنہگار کو سڑک پر لٹکا کر پھانسی دی جائے، کیونکہ جس طرح وہاں کسان اور صحافی جاں بحق ہوئے ہیں، ان کے اہل خانہ سے پوچھیں اور دیکھیں کہ ان کا خاندان اس واقعے سے کس طرح صدمے میں ہے۔

اتر پردیش میں یوگی کی حکومت کی تعریف کرتے ہوئے انہوں نے کہا کہ یوگی جی کو دہلی میں بیٹھ کر پورے ملک کی ذمہ داری سنبھالنی چاہیے۔ ان کا مزید کہنا تھا کہ جب تک لکھیم پور کے ملزمان کی گرفتاری نہیں ہو جاتی تب تک ان کا احتجاج جاری رہے گا۔