اطلاعات کے مطابق محکمہ بجلی کا عارضی ملازم محمد اشرف حجام ساکن گوٹلی پورہ ہلمت پورہ علاقہ میں 12 آگست شام بجلی کی ترسیلی لائن جو طوفانی ہواؤں کی وجہ سے گر گئی تھی کی مرمت کرنے گھر سے نکلا تھا۔
محمد اشرف کے گھر والوں کے مطابق اُس سے محکمہ نے پہلے ہی گرین سگنل دیا کہ مقامی رسیونگ اسٹیشن کی بجلی سپلائی کو کاٹ دیا گیا ہے اور کسی پریشانی کے بغیر ترسیلی لائن کی مرمت کرسکتا ہے۔
اہل خانہ کے مطابق جوں ہی محمد اشرف بجلی سپلائی کی بحالی کی لیے بجلی کے کھمبے پرچڑھا تو تاروں کو چھوتے ہی بجلی کا کرنٹ لگنے سے ہی وہ موقعہ پر ہی دم توڑ بیٹھا۔
اگرچہ محمد اشرف کے ساتھیوں نے اُس سے ضلع اسپتال کپواڑہ پہنچایا تاہم وہاں ڈاکٹروں نے اُسے مردہ قرار دیا۔
مزید پرھیں:
پولیس نے اس معاملے کی نسبت کیس درج کرکے تحقیقات شروع کردی ہے.
وہیں محمد اشرف کے رشتہ داروں نے ایل جی انتظامیہ سے مطالبہ کیا ہے کی ان کے حق میں معاوضہ فراہم کیا جائیں، ساتھ ہی ان کے اہل خانہ کو نوکری فراہم کی جائے تاکہ یہ غریب کنبہ فاقہ کشی کا شکار نہ ہوسکے ۔
