کولگام: جموں و کشمیر کے ضلع انتظامیہ کولگام میں آج میگا بلاک دیوس کا اہتمام کیا گیا جو کہ منی سکریٹریٹ، بہی باغ، یاری پورہ اور کولگام کے 3 الگ الگ بلاکس میں منعقد کیا گیا جس کا مقصد انتظامیہ کو عوام کے دروازے تک پہنچنا اور لوگوں کے مسائل اور شکایات کو دور کرنا ہے۔ پروگرام میں تمام بلاکس سے عوام کا زبردست ردعمل دیکھنے میں آیا ہے، اور تمام ڈپارٹمنٹس کے افسران اور اہلکاروں نے اس میں حصہ لیا اور موقع پر ہی لوگوں کے مسائل، شکایات اور مطالبات سنے۔
بٹہ پورہ کولگام کے لوگوں کا کہنا ہے کہ ہم پانچ برسوں سے پینے کے صاف پانی سے محروم ہیں، گندا پانی پینے کی وجہ سے بچے بیمار ہو جاتے ہے اس لئے ہمارا سب سے پہلا مسئلہ پینے کے پانی کا ہے جس کے لیے ہم پانچ برسوں سے انتظامیہ سے مطالبات کر رہے ہے۔
عوامی شکایات اور مطالبات کا جائزہ لینے کے لئے، ضلع ترقیاتی کمشنر کولگام ڈاکٹر بلال محی الدین بٹ کے ساتھ ساتھ ایڈیشنل ڈی سی کولگام اور اے سی آر بلاک میں موجود رہے اور لوگوں کے شکایات اور مسائل سنے،
