ریاست کرناٹک کے ضلع یادگیر کے تعلقہ شاہ پور کے گوگی شریف میں حضرت سید شاہ چندہ حسینی کے سالانہ عرس شریف کے موقع پر جلسۂ تہنیت اور مولانا نصراللہ کی تحریر کردہ کتاب ’’نقشِ کامل‘‘ کی رسم اجرائی عمل میں آئی۔ Darga Hazrat Syed Chanda Hussaini RA
پروفیسر سید شاہ یوسف حسینی کامل کی علمی، دینی، ادبی اور خانقاہی خدمات پرانہیں تہنیت پیش کی گئی۔ اور ان کی خدمات پر مولانا سید نصراللہ حسینی فاضل جامعہ نظامیہ حیدرآباد کی ترتیب دی گئی کتاب ’’نقشِ کامل‘‘ کا رسم اجراء بھی عمل میں آیا۔
اس موقع پر سید شاہ محمد محمد الحسینی سجادہ نشین گوگی شریف، ڈاکٹر عبد الحمید اکبر سابق صدر شعبہ اردو فارسی گلبرگہ یونیورسٹی، عزیز اللہ سرمست ایڈیٹر روزنامہ بہنیں نیوز گلبرگہ سمیت متعدد سرکردہ شخصیات نے شرکت کی۔
اس موقع پر ڈاکٹر عبد الحمید اکبر، عزیز اللہ سرمست نے پروفیسر یوسف حسینی کامل کی نئی کتاب،، نقش کامل،، پر مبارکباد دیتے ہوئے ان کی دینی ادبی و خانقاہی خدمات پر تفصیلی روشنی ڈالی.
سید شاہ محمد الحسینی سجادہ نشین آستانہ حضرت چندہ حسینی گوگی شریف نے تمام مہمان مریدین و معتقدین اور سجادگان، مشائقین اور علماء اکرام کا شکریہ ادا کیا۔
