دفاعی ذرائع نے بتایا کہ بدھ اور جمعرات کی درمیانی شب جموں کے ایئر فورس اسٹیشن کے نزدیک ایک ڈرون کو دیکھا گیا۔ انہوں نے بتایا کہ ڈرون کی اونچائی 500 سے 800 میٹر تک تھی جب کہ فوج کی جانب سے نصب کردہ جدید مشینری کی مدد سے ڈرون کو دیکھا گیا ہے۔
قابل ذکر ہے کہ گزشتہ کئی ہفتوں سے یو ٹی جموں و کشمیر میں کئی مقامات پر ڈرون کو دیکھا گیا ہے۔ جس کے بعد سرینگر اور راجوری سمیت کئی اضلاع میں نجی طور پر ڈرون اور اس جیسی اشیاء کے استعمال اور خرید و فروخت پر پابندی عائد کردی گئی ہے۔
مزید پڑھیں: جموں کے ارنیہ سیکٹر میں مشکوک ڈرون کا گشت
مشتبہ عسکریت پسندوں کی جانب سے ڈرون کے استعمال کے بعد جموں صوبے کے سرحدی علاقوں میں فوج کو ہائی الرٹ پر رکھا گیا ہے جب کہ جدید مشینری کی تنصیب بھی عمل میں لائی جارہی ہے تاکہ علاقے میں ڈرون کی سرگرمیوں کا پتہ لگایا جاسکے۔
