راجستھان کے دارالحکومت جے پور کے کربلا علاقے میں 29 ستمبر کو ہوئے معراج عرف بابا خان قتل کے معاملے میں چار مجرموں کو برہم پوری تھانہ پولیس کی جانب سے گرفتار کیا گیا ہے۔ ان چاروں ہی مجرموں کو آج جس جگہ پر معراج عرف بابا خان نام کا قتل کیا گیا تھا اس جگہ کا موقع معائنہ کروایا گیا۔
اس دوران جے پور کا کربلا علاقہ پوری طرح سے چھاؤنی میں تبدیل کردیا گیا، دونوں مجرموں کو بلا ہتھکڑی کے یہاں لایا گیا۔ اس موقع پر کربلا علاقے میں عوام کا ہجوم جمع ہوگیا تھا جسے پولیس نے منتشر کیا۔
اس پورے معاملے کو لے کر ہیڈ کانسٹیبل تلوک نے ای ٹی وی بھارت سے کہا کہ بابا خان قتل کے معاملے میں جن چار مجرموں کو گرفتار کیا گیا ہے ان تمام لوگوں کو آج موقع واردات پر تصدیق کے لیے لایا گیا تھا۔
مزید پڑھیں: جے پور:خصوصی آپریشن میں 150 سے زیادہ ملزم گرفتار
انہوں نے کہا کہ پولیس کی سخت سیکیورٹی کی موجودگی میں ان تمام لوگوں کو یہاں لایا گیا، انہوں نے بتایا کہ اس معاملے میں ملوث تمام مجرموں کو جلد ہی گرفتار کیا جائے گا۔
