تھانہ صدر کے ملہار ٹولی میں زہریلی گیس کے اخراج کے باعث 25 سے 30 افراد کو میڈیکل کالج ہسپتال میں داخل کرایا گیا ہے۔ اسی دوران ، ایک خاتون کنچن دیوی کی موت ہوگئی۔
زہریلی گیس کے اخراج سے خاتون کی موت
ہزاری باغ کے ملہار ٹولی میں آئس کریم بنانے کی فیکٹری ہے، جس میں شام کو گیس کا اخراج شروع ہوا۔ معلومات کے مطابق یہ واقعہ امونیا گیس کے اخراج کے سبب پیش آیا ہے۔ گیس کے اخراج کے سبب پورے علاقے میں افراتفری پھیل گئی اور تقریبا 200 سے 300 مکانات کو تیزی سے خالی کرا لیا گیا۔ہزاری باغ کے کرزن گراؤنڈ سٹیڈیم میں ہنگامی کیمپ لگایا گیا۔
ضلعی انتظامیہ نے عام لوگوں سے متاثرہ علاقے میں نہ رہنے کی اپیل کی اور کہا کہ جو انتظامیہ کے ذریعہ رہنے کا اہتمام کیا گیا ہے وہاں رات گزاریں۔
مقامی لوگوں کا کہنا ہے کہ گذشتہ کئی برسوں سے آئس کریم فیکٹری چل رہی ہے لیکن اس طرح کا حادثہ پہلی دفع ہوا ہے۔
