مالیا کی بھارت حوالگی کی الٹی گنتی شروع

حکومت کو امید ہے کہ کروڑوں روپے کے غبن کے ملزم اور کنگ فشر کے مالک وجے مالیا کے برطانیہ سے حوالگی جلدی ہو سکے گی اور اس سلسلے میں وہ برطانوی حکومت کے مسلسل رابطے میں ہیں۔

وزارت خارجہ کے ترجمان انوراگ شریواستو نے آج یہاں بریفنگ میں کہا کہ وجے مالیا کی بھارت حوالگی کے معاملے میں ان کی برطانوی سپریم کورٹ میں اپیل کرنے کی عرضی کو ہائی کورٹ نے 16 مئی کو مسترد کر دیا تھا۔ انہوں نے کہا کہ حکومت ہند برطانیہ حکومت کے مسلسل رابطہ میں ہے۔

میڈیا رپورٹس کے مطابق مالیا کی حوالگی کا راستہ تقریباً صاف ہو چکا ہے۔ سی بی آئی کی ایک ٹیم نے اس معاملے کو انجام تک پہنچا دیا ہے اور نو ہزار کروڑ روپے کے بینک قرض دھوکہ دہی معاملے میں اب مفرور کاروباری وجے مالیا کی وطن واپسی میں کم دن ہی باقی ہیں۔