Republic Day Arrangement In Anantnag: اننت ناگ میں یوم جمہوریہ کی تقریبات کے انتظامات کا جائزہ لیا گیا

ضلع ترقیاتی کمشنر اننت ناگ، ڈاکٹر پیوش سنگلا نے متعلقہ افسران کے ہمراہ آنے والے یوم جمہوریہ کی تقریبات کے انتظامات کا جائزہ لینے اور اسے حتمی شکل دینے کے لیے ایک اعلیٰ سطحی میٹنگ طلب Republic Day Arrangement In Anantnag کی۔

آنے والے یوم جمہوریہ کی تقریبات کے انتظامات کا جائزہ لینے اور اسے حتمی شکل دینے کے لیے، ضلع ترقیاتی کمشنر اننت ناگ، ڈاکٹر پیوش سنگلا, Dr.Piyush Singla نے متعلقہ افسران کی ایک اعلیٰ سطحی میٹنگ طلب کی۔

میٹنگ کے دوران قومی دن کی اہمیت پر تفصیلی روشنی ڈالی گئی۔

ڈی سی نے کہا کہ یوم جمہوریہ ہمارے ملک کی تاریخ میں ایک اہم دن ہے۔ انہوں نے کہا کہ روایت کے مطابق تقریبات جوش اور جذبے کے ساتھ منائی جائیں۔انہوں نے افسران اور ایجنسیوں کو ہدایت دی کہ وہ آپس میں بہتر تال میل پیدا کریں اور قومی تقریب کو شاندار کامیابی سے ہمکنار کرنے کے لیے تمام ضروری انتظامات کو یقینی بنائیں۔اس موقع پر سکیورٹی، صفائی ستھرائی، بیٹھنے کے انتظامات، طبی سہولیات، بجلی اور پانی کی فراہمی، تقریب کے مرکزی مقام کی روشنی اور سجاوٹ کا انتظام، فائر ٹینڈرز کی تعیناتی، دعوت نامے، اسٹیج کا انتظام ،انعامات کی تقسیم کے علاوہ تقریبات کے لیے دیگر انتظامات کا جائزہ لیا گیا۔

اس موقعہ پر جانکاری دی گئی کہ مرکزی تقریب گورنمنٹ ڈگری کالج (بوائز)، کھنہ بلGovernment Degree College Boys, Khanbal میں منعقد ہوگی جہاں مہمان خصوصی قومی پرچم لہرائیں گے جس کے بعد جے کے پولیس اور دیگر سیکورٹی فورسز کے دستے پریڈ کریں گے۔ اس کے علاوہ حب الوطنی اور قوم پرستی، پر مبنی رنگا رنگ ثقافتی پروگرام بھی پیش کیے جائیں گے۔