گوگل نے آج اپنے ڈوڈل کو حب الوطنی کے نام وقف کیا ہے۔ گوگل نے ہندوستانی ثقافت کی جھلک دکھاتے ہوئے رنگ برنگے ڈوڈل بنایا ہے، جس میں انڈیا گیٹ سمیت ہندوستان کی ہر ثقافتی چیزوں کو سمیٹنے کی کوشش کی ہے۔ گوگل کے ہوم پیج پر کلک کرتے ہی آج آپ کو ڈوڈل نظر آئے گا، جس پر تاج محل سے لے کر انڈیا گیٹ، قومی پرندے مور، ہندوستان کی ثقافتی رنگ، آرٹس، ٹیکسٹائل اور رقص کو ایک ساتھ دیکھنے کو ملے گا۔
قابل ذکر ہے کہ ملک میں پہلی بار یوم جمہوریہ 26 جنوری 1950 کو منایا گیا تھا اور اس جشن کا انعقاد راج پتھ پر نہیں ہوا تھا۔پہلاجشن جمہوریہ ارون اسٹیڈیم (اب نیشنل اسٹیڈیم) میں منایا گیا تھا۔
ملک کے پہلے صدر ڈاکٹر راجندر پرساد نے یہاں آکر ترنگا لہرایا تھا۔ یوم جمہوریہ کے موقع پر منعقد ہونے والے پریڈ کا پنڈال وقتاًفوقتاً بدلتا رہاہے۔ 1955 میں پہلی بار یوم جمہوریہ کا جشن راج پتھ پر منایا گیا، جس کے بعد سے آج تک ہر سال جمہوریت کا جشن یہیں پر منایا جاتا ہے۔
