نئی دہلی: بین الاقوامی بازار میں تقریباً تین ہفتوں تک دباؤ میں رہنے کے بعد خام تیل کی قیمتوں میں اضافہ ہونا شروع ہو گیا ہے۔ اس دوران ملک میں پٹرول اور ڈیزل کی گھریلو قیمتیں جمعہ کو بھی مستحکم رہیں۔ خام تیل کی قیمت 90 ڈالر فی بیرل سے تجاوز کر گئی ہے۔ No change in petrol and diesel prices
بین الاقوامی سطح پر آج لندن برینٹ کروڈ 94.33 ڈالر فی بیرل اور یو ایس کروڈ 88.40 ڈالر فی بیرل پر رہا۔ گھریلو تیل مارکیٹنگ کمپنی بھارت پیٹرولیم کے مطابق آج بھی پیٹرول اور ڈیزل کی قیمتوں میں کوئی تبدیلی نہیں ہوئی ہے۔ دہلی میں پٹرول 96.72 روپے فی لیٹر اور ڈیزل 89.62 روپے فی لیٹر پر مستحکم ہے۔
ملک میں گزشتہ چار ماہ سے ایندھن کی قیمتوں میں کوئی تبدیلی نہیں ہوئی ہے۔ ممبئی میں پٹرول کی قیمت 106.31 روپے فی لیٹر اور ڈیزل کی قیمت 94.27 روپے فی لیٹر ہے۔
پیٹرول اور ڈیزل کی قیمتیں ویلیو ایڈڈ ٹیکس (ویٹ) اور فریٹ چارجز کی بنیاد پر ریاستوں میں مختلف ہوتی ہیں۔ پٹرول اور ڈیزل کی قیمتوں کا روزانہ جائزہ لیا جاتا ہے۔
یہ بھی پڑھیں: World Bank cuts India's GDP forecast عالمی بینک نے بھارت کی شرح نمو کی پیش گوئی میں کمی کی
آج ملک کے چار بڑے میٹرو میں پٹرول اور ڈیزل کی قیمتیں درج ذیل ہیں:-
| شہر | پیٹرول | ڈیزل |
| دہلی | 96.72 | 89.62 |
| ممبئی | 106.31 | 94.27 |
| کولکتہ | 106.03 | 92.76 |
| چنئی | 102.63 | 94.24 |
یو این آئی
