غازی پور: ان دنوں مختار انصاری کے خاندان کی پریشانیاں کم ہوتی نظر نہیں آ رہی ہیں۔ ایک طرف جہاں ای ڈی اور سی بی آئی کے چھاپے جاری ہیں۔ وہیں دوسری طرف غازی پور میں مختار انصاری کے بیٹے اور مئو سے ایم ایل اے عباس انصاری کی آبائی رہائش گاہ درجی ٹولہ، محمد آباد میں سی جے ایم کورٹ لکھنؤ نے قرقی کی نوٹس چسپاں کی ہیں۔ Shoaib Ansari on ed raid
مختار انصاری کے بھتیجے اور محمد آباد کے سماجوادی پارٹی کے ایم ایل اے شعیب انصاری نے ای ٹی وی بھارت سے ای ڈی کے چھاپے اور اٹیچمنٹ کے حوالے سے بات کی جس میں انہوں نے بتایا کہ یہ بہت افسوسناک ہے، جس طرح سے پورے ملک میں ای ڈی اور سی بی آئی کے چھاپے جاری ہیں۔ یہ سب اپوزیشن کو ہراساں کرنے کی سازش ہے۔ ملک میں بے روزگاری، صحت، تعلیم، سڑکوں کا برا حال ہے۔ اس پر کوئی بات نہیں کر رہا ہے، صرف ای ڈی اور سی بی آئی کے چھاپوں کے ذریعہ گمراہ کیا جا رہا ہے۔Interview Of SP MLA Shoaib Ansari
یہ بھی پڑھیں: ED raids BSP MP Afzal Ansari house ای ڈی کی چھاپہ ماری کے بعد افضال انصاری نے کہا میں خوفزدہ نہیں ہوں
حکومت پر نشانہ لگاتے ہوئے شعیب انصاری نے کہا کہ ہمارا پورا خاندان بالکل بے قصور ہے اور ملک کی عدلیہ پر بھروسہ ہے۔ معاملہ عدالت میں چل رہا ہے۔ ہم ہر موقع پر تحقیقات میں عدلیہ کے ساتھ تعاون کر رہے ہیں اور بے گناہ بھی ثابت ہوں گے۔ ہمارا خاندان بے قصور ہے۔ ہم نے نہ کسی کی زمین لوٹی ہے نہ کسی کو تنگ کیا ہے۔ ہم ایسی کارروائی سے پریشان نہیں ہوں گے کیونکہ ہمیں ملک کی عدلیہ پر بھروسہ ہے۔ ہمیں انصاف ضرور ملے گا۔MLA Shoaib Ansari Exclusive Interview
