ریاست اترپردیش کے غازی پورحلقہ سے بی ایس پی کے رکن پارلیمان افضال انصاری کے مکان پر ای ڈی نے چھاپہ ماری کی ہے، افضال انصاری اور ان کے دیگر تین ساتھیوں کے مکان پر ای ڈی کی جانب سے کاروائی کی گئی،ادھر افضال انصاری نے چھاپہ ماری پر اپنے رد عمل کا اظہار کرتے ہوئے کہا کہ نہ تو کل شکست خوردہ تھے اور نہ آج خوفزدہ ہیں
ED raids BSP MP Afzal Ansari in PMLA case against brother Mukhtar Ansari
انہوں نے کہا کہ ای ڈی کی کارروائی پورے ملک میں جاری ہے۔ اس عمل سے نہ تو کل میرے حوصلے پست تھے اور نہ ہی آج ہیں۔ انہوں نے مزید کہا کہ میں دیگر لوگوں کی طرح نہیں ہوں،میرے اندر مختلف قسم کی طاقت ہے۔
انہوں نے کہا کہ میں غلط نہیں ہوں۔ مجھے غلط ثابت نہیں کیا جا سکتا،انہوں نے بی جے پی کے رہنماؤں پر طنز کرتے ہوئے کہا کہ کچھ لوگ 2019 اور 2022 کی شکست کو برداشت نہیں کر پارہے ہیں،اور 2024 میں شکست کا خوف انہیں لاحق ہے ،انہو ں کہا کہ میرے پاس مچھلی کی آنکھ ہے،یعنی سیاسی اعتبار سے دوبین اور دو اندیش ہیں،اور اور پوروانچل میں یہ لوگ پھر سے شکست سے دوچار ہونگے۔
افضل انصاری نے کارکنوں سے بات چیت میں کہا کہ مہاراشٹر سے بنگال تک ای ڈی کے چھاپے جاری ہیں۔ ان مشہور شخصیات کے مقابلے میں ہم ایک تنکے بھی نہیں ہیں۔
مزید پڑھیں:مختار انصاری کو یوپی میں جان کا خطرہ: افضال انصاری
انہو ں نے مزید کہا کہ ای ڈی نے 13 گھنٹے تک تلاشی لی، پوچھ گچھ کی، اور کچھ دستاویزات دیکھے، اس کے بعد بھی ای ڈی کو کوئی قابل اعتراض چیز نہیں ملی،تاکہ ای ڈی ہم پر انگلیاں اٹھا سکے۔
