ریاست راجستھان کے دارالحکومت جے پور میں واقع مسلم کھانے کے باہر آج بعد نماز جمعہ مولانا کلیم صدیقی کی گرفتاری کے خلاف امام کونسل کی جانب سے احتجاجی مظاہرہ کیا جائے گا۔
اس موقع پر آل انڈیا امام کونسل جے پور کے رکن مولانا محفوظ الرحمن قاسمی نے بتایا کہ ملک میں مسلسل مسلم علماءوں کو جھوٹے الزامات اور مقدمات میں گرفتار کرکے مسلم برادری کو بدنام کرنے کی کوشش کی جا رہی ہے۔
مزید پڑھیں:۔ کلیم صدیقی پر جبرا تبدیلی مذہب کا الزام بے بنیاد ہے: مولانا ارشدمدنی
انہوں نے کہا کہ ابھی حال ہی میں گرفتار کیے گئے مشہور عالم دین مولانا کلیم صدیقی، ان کے سبھی دوست، مولانا عمر گوتم اور تمام دیگر علمائے کرام کو جس طرح سے بے بنیاد الزامات کے تحت گرفتار کیا گیا ہے، اس حوالے سے آج بعد نماز جمعہ احتجاجی مظاہرہ کیا جائے گا اور مرکزی حکومت کو یہ بتایا جائے گا کہ وہ مسلمانوں کے خلاف منصوبے بنانا بند کرے۔
