سینئر آئی اے ایس عہدیدار سمیر شرما آندھراپردیش کے نئے چیف سکریٹری ہوں گے۔ موجودہ چیف سکریٹری ادتیہ ناتھ داس 30 ستمبر کو وظیفہ پر سبکدوش ہورہے ہیں۔
1985 بیاچ سے تعلق رکھنے والے سمیر شرما کچھ عرصہ تک مرکزی حکومت میں خدمات انجام دے چکے ہیں۔ وہ فی الوقت مرکز میں انڈین انسٹی ٹیوٹ آف کارپوریٹ افیرس کے ڈائرکٹر جنرل کے عہدہ پر فائز ہیں۔
یہ بھی پڑھیں:'بینکزغریبوں کو گھربنانےکےلیے قرض دیں'
بتایا جاتا ہے کہ وزیراعلی جگن موہن ریڈی کی خواہش پر سمیر شرما نے اسٹیٹ کیڈر واپسی سے اتفاق کیا ہے۔ آندھراپریش کے عہدیداروں کو اس بات پر حیرت ہے کہ نومبر میں وظیفہ پر سبکدوش ہونے والے سمیر شرما نے کم مدت کیلئے چیف سکریٹری کا عہدہ قبول کیا ہے ۔ بتایا جاتا ہے کہ جگن موہن ریڈی سبکدوشی کے بعد سمیر شرما کی میعاد میں توسیع کا منصوبہ رکھتے ہیں۔
